Tv. James Khamliansawma S/o. Paul T.K. Dawnga, Zuangtui, Aizawl chuan milim siam/thillem ker zirna Master in Fine Arts (Sculpture), Department of Fine Arts, Sarojini Naidu School of Arts and Communication, University of Hyderabad atangin atangin tha takin a zir zo ta. Tv. James hian B.F.A (Sculpture) chu Visva-Bharati University, Shantiniketan, West Bengal atangin a zir zo a, kum 2011 khan North East Zone Cultural Centre (NEZCC), Dimapur pawh in Young Talented Artist's Award a lo pe tawh bawk a ni. Tv. James-a hian University of Hyderabad a MFA a zir chhung hian Mizo thawnthu a "Pheichham" an sawi thin lem kha a siam/ker a, Mizo mai nilo hnamdang Professor te pawn hei hi an hlut sak hle a ni, a thilsiam ang hi midang siam an la awm loh chuan Mizo zinga Pheichham lem siam hmasaber ani ang. Hei lo pawh hi milim leh thildang lem nalh tak tak a kut chhuak hmuh tur a awm tawh a ni. Tv. James Khamliansawma hi keini MPGSU, University of Hyderabad te chuan kan hriat theih chinah Mizo zing a MFA in Sculpture zirzo hmasaber niin kan hria a, kan chhuangin kan lawmpui em em a ni. A kal leh zelna turah pawh duhsakna kan hlan in Mizo fate tan thil lem/milim siam kawngah pawh theih tawp a tan la zel turin kan ngen bawk a ni.
 |
| Pheichham, James-a siam chu ani e |
