 |
| Nl. N. Malsawmtluangi |
Mizo Post Graduate Students' Union (MPGSU), University of Hyderabad member nilai N. Malsawmtluangi (Te-i) d/o N. Rothanga, Sihphir Venghlun tuna Ph.D Physics zir mek chuan Nov 28 - Dec 2, 2016 chhunga University of Sydney, Australia huaihawt "The 13th International Symposium on Cosmology and Particle Astrophysics (CosPA 2016)" Sydney Nanoscience Hub, University of Sydney Camperdown Campus, Australia ah paper a present dawn.
CosPA 2016 hian khawvel hmun hrang hrang atangin theorists, experimentalists, leh observers, fields of particle physics, cosmology, and astrophysics a hnathawk lai te an kalkhawm dawn a. Heng field a tunlai research results leh ideas an zirho na leh sawiho na te, hmasawn zel tura hmalak dan tur te an sawi ho dawn a ni. Te-i paper present tur hi, "Primordial gravitational waves in the squeezed vacuum state" tih a ni.
He conference hi University of Sydney, ARC Centre of Excellence for Particle Physics at the Terascale, Office of the Chief Scientist and Engineer, NSW Government leh Asia Pacific Center for Theoretical Physics te sponsor a ni.
International symposium a present tura Nl. N. Malsawmtluangi research paper thlan tel a ni hi keini Mizo Post-Graduate Students' Union, University of Hyderabad member te chuan kan lawmpuiin kan chhuang em em a, Mizo fate tan a zirna lama hma kan sawn ve zelna entirtu pakhat niin kan hria a ni. Tha taka a paper a present theih nan duhsakna sang ber kan hlan e.
Nl. Te-i hian tun kum 3rd - 5th August, 2016 a The Institute for Fundamental Study, Naresuan University, Phitsanulok, Thailand a neih "IF-YITP GR+HEP+Cosmo International Symposium VI" ah paper a lo present tawh bawk a ni.
