Tv.K.Lalromawia'n international conference pahnih a paper present

K.Lalromawia Ph.D (Mangement Studies) UoH

Tv.K.Lalromawia (Mama) S/o.K.Zairema, Bawngkawn, Aizawl tuna Ph.D (Management Studies)  University of Hyderabad a zirlai chuan Dt.4-5 November 2011 khan International Association of Management Scholar leh Forest Research Institute University, Dehradun  te buatsaih 'International Conference on Business and Technology" ah research paper tha tak "Marketing of tourism towards sustainability" tih a present a ni. Tv.Mama research paper hi he international conference a paper 150 lut zinga a paper tha 20 an thlanchhuah zing ah a tel pha a ni. Paper tha tlan chhuah 20 zing a a tel ve avang hian conference ni hnihna a Session vawi khat ah chairperson a ni nghal bawk a ni.

Hemi bak ah hian Tv.K.Lalromawia hian Dt.9-11 November 2011 chhung a Indian Institute of Management (IIM) Shillong ten '2nd international conference on sustainability : people, planet and prosperity'  an buatsaih ah tel leh in 11 November 2011 khian research paper "A study of new land used policy in Mizoram : sustainability perspectives" tih a present leh dawn a ni.

Keini Mizo Post Graduate Students Union, University of Hyderabad te chuan kan Chairman ni lai Mizo tlangval Tv.K.Lalromawia'n khawvel leh India ram chhung a management zirna lama mi thiam chhuanawm tak tak te telna International Conference pahnih lai a a research paper a present thei hi chhuanawm kan tiin Mizo zirlai te tan mi entawntlak niin kan hria a, kan lawmpui em em a ni. Tv.Mama hian International leh National huap pawh in research paper tha tak tak a lo published nual tawh bawk a ni. Mama Congratulation! 

Dr.H Vanlalhruaia'n Vienna-a International conference neih ah paper present

Dr.Taitea te paper present na University of Vienna chu

Tunhnai lawk a University of Hyderabad atanga Doctorate degree hmu thar Dr.H.Vanlalhruaia (Taite-a) S/o.H.Vanneii, Serkawn Lunglei chuan Dt.15th September 2011 (Thursday) khan University of Vienna (Institut für Kultur- und Sozialanthropologie der Universität Wien) Vienna, Austria ah German Anthropological Association (Deutsche Gesellschaft für Völkerkunde) te buatsaih international conference (GAA Conference 2011: "Wa(h)re 'Kultur'" - Cultural Heritage, Revitalisation and the Renaissance of the Idea of Culture) ah research paper "Jhum Cultivation versus New Land Use Policy – Agrarian Change and Transformation in Mizoram" tih tha takin a present a ni. Dr.H.Vanlalhruaia hian research paper a present hi Austria a Mizo research ti  a awm mek  Shahnaz Kimi Leblhuber (Department of Social and Cultural Anthropology, University of Vienna, Austria) nen joint paper in an present a ni.

Dr. H.Vanlalhruaia (Taite-a) te paper present na hi  German Anthropological Association te leh  Department of Cultural and Social Anthropology, University of Vienna (Institut für Kultur- und Sozialanthropologie der Universität Wien), Institute for Social Anthropology, Austrian Academy of Sciences (Institut für Sozialanthropologie der Österreichischen Akademie der Wissenschaften) and the Museum of Ethnology (Kunsthistorisches Museum mit Museum für Völkerkunde und Österreichischem Theatermuseum) te tangrual in an huaihawt niin khawvel zirna lam a mithiam rual hrang hrang te he hun ah hian an pungkhawm a ni. Khawvel huap academic conference a Mizo researcher Dr.H.Vanlalhruaia leh Shahnaz Kimi  ten joint paper tha tak a an present thei hi keini Mizo Post-Graduate Students' Union (MPGSU), University of Hyderabad-te chuan kan lawmpuiin  Mizo fate te tan pawh mi chhuanawm an ni in kan hria a, lawmpuina leh chawimawina kan hlan e. An kal leh zelna turah pawh duhsak sang ber kan hlan e.

Tv.Benjamin-a M.Phil zo in min haw san ta

Benjamin Lalfakzuala Khiangte

Tv.Benjamin Lalfakzuala Khiangte chuan zanin (12 September 2011 Monday) khan a M.Phil thesis a thehluh tak avangin min haw san ta. Tv.Bena-a hian Dt.17th August 2011 khan Department of Political Science, University of Hyderabad ah M.Phil Thesis "Constitutional Guarantees and Policies for Tribal Development" tha takin a submit a ni. Tv.Bena'n M.Phil tha tak a a zo hi kan lawmpuiin a kal leh zelna tur ah duhsakna sang ber kan hlan e.

Dr.H.Vanlalhruaia kan nei ta

Dr.H.Vanlalhruaia'n Viva voice presentation a nei lai.

Dt. 23 August 2011 (Tuesday) 12:00 p.m. khan Department of History, University of Hyderabad ah Tv.H.Vanlalhruaia (Taitea/ Epis Temology) S/o.H.Vanneii, Serkawn Lunglei chuan Ph.D viva seminar tluang takin a nei zo ta. A thesis hi "A history of traditional medicine of Mizoram in pre-modern period" tih a ni. External Examiner in a thesis hi a fakin midang te chhiar theih tur a publish thuai turin thurawn a pe hial a ni. Doctorate degree dawng thar kan u duhtak Tv.H.Vanlalhruaia hi kan lawmpuiin kan chhuang em em a ni. Congrats to Dr. U Taitea.

Doctor lo ni ta Tv.Taitea hi tunah hian Vienna, Austria ah International seminar paper present turin a inbuatsaih mek a ni.

Mizo Scholar Nula chhuanawm: Dr.Hmingthanzuali

Dr.Azuali

Dr. Hmingthanzuali (Azuali) D/o. Upa C.Hmingthanga, Mission Vengthlang, Aizawl chuan Dt.12^th July 2011 khan Birmingham Midland Insitute, United Kingdom a British Sociological Association Theory Study Group and the ESRC-funded Network te buatsaih International conference on ‘Rethinking the Modern : Colonialism, Slavery, and Empire’ neih ah seminar paper tha takin a present. Dr.Hmingthanzuali research paper ziah hi 'Captive women, "savage Tribe" and colonial 'Civilizing' project in the North East Frontier of India’ tih a ni. He international conference ah hian khawvel huap pawh lar historians leh sociologists hmingthang tak tak te an fuankhawm a ni. He conference a kalna sen so hi Indian Council of Historical Research (ICHR) in an sponsored sak a ni. Dr. Hmingthanzuali hian tunhnai lawk khan khan Department of History, University of Hyderabad atangin Doctorate degree a hmu a, a Ph.D topic chu ‘Women in Mizo History: Changing Roles, Status and Participation from 18^th to 20^th Century’ tih a ni. Dr.Azuali hian hian national leh international-ah pawh research paper publication tha tak tak a nei nual tawh bawk a ni. Hetianga Mizo scholar in khawvel huap mithiam te conference a research paper tha tak a present ve thei hi kan lawmpui in chhuanawm kan ti a, Mizo faten zirbing na lam huang ah pawh raltiang ram kan kai chho ve ta zel niin kan hria.

Zirbingna lam (Academic research) huang ah chuan hetiang a international seminar a tel hi thil awlai lem lo tak a ni thin. Seminar paper pe tur hian dilna (abstract) an thawn a, chu chu seminar lo buatsaihtu te hian an lo dawng a. Mithiam ruat bik hnenah Peer Review hmangin an endik tir leh a. Chuta an lungawi a nih chuan an mi duhzawng an thlang chhuak chauh thin a ni. Peer review awmzia chu an paper quality dik taka en anih theih nan, a paper submit tu mihring hming leh address lanna zawng zawng an thaibo va, tumah duhsak bik awm thei lo turin, an seminar paper abstract chauh chu an lo en dik ta thin a ni. Dr.Azuali paper pawh hi thlathum chhung teh meuh mithiam bik (expert) pathum(3) ten peer review an neih hnu ah pawm a ni chauh a ni. Hetianga peer review hmanga international level seminar a tel thei nih hi thil awlai tak a ni lem lo a ni.

Dr.Azuali, Birmingham Midland Institute hma ah

UoH Entrance Exam 2011 Result

University of Hyderabad Entrance Exam 2011 Result chhuak atanga Mizo hnahthlak  admission ti nghal thei tur leh waiting list a lang kan hriat theih te:

RESULT UPDATE

MCA
H.Lalruatkima
Date of admission: 13 July 2011,9:30 a.m

Integrated Master of Arts (IMA), Social Sciences
3.J.Lalawmpuia
5.Joel Lalropuia
6.C.Lalramdinpuii
Date of admission: 25 July 2011,2 p.m

Waiting List:

1.Lalruatfela Chawngthu

Calling date: 27 July 2011,2 p.m

Integrated Master of Arts (IMA) , Humanities
Kamkunga Chonloi

M.A (History)
18.(Gen). Lalmalsawma
2.(ST) Rammuanpuia
Date of admission: 13 July 2011, 9:30 a.m

Waiting List:
Lalthankimi
Calling date: 19 July 2011, 9.a.m
-------------------


M.A (Applied Linguistic)
Laltleipuii
Admission date:16 July 2011, 9:30 a.m.

Waiting List:
2.Lalrinhlui
3.Teresa Lalmuanawmi
7.Loisy Khitie
8.C.K.Vanlalzami
Calling Date:18 July 2011, 2 p.m.

M.A (Philosophy)
Vanlalvenpuia
Admission date: 15 July 2011, 2.p.m

M.A (Comp Literature)
Waiting List:
2.Lalrinpuii Renthlei
3.R.Vanlalhlimpuii
4.Eunice Zodinmawii
6.Malsawmtluangi Ralte
Calling date: 18 July 2011, 2.p.m

M.A (Sociology)
Waiting List
1.C.Lallianpuii
Calling date;19 July 2011, 2.p.m

M.A (Political Science)
Waiting List:
1.C.Laldinpuii
Calling date:19 July 2011, 2.p.m


Kan theihtawp a ulukin list hi kan en ve a mahse tihmaih palh leh hriatsual kan nei a nih chuan hriatthiamna kan dil nghal e. Result hi chiang zawkin University of Hyderabad Website:

http://www.uohyd.ernet.in/index.php/admissions/entrance-results

ah hian enfiah theih reng a ni e.

Mahmangaihi'n M.Phil Submission nei

Lalhmangaihi Chhakchuak presenting her M.Phil Dissertation

Nl.Lalhmangaihi Chhakchhuak chuan Dt.3rd July 2011(Friday) khan Department of Sociology Seminar Hall, University of Hyderabad ah M.Phil Dissertation submission seminar tluang takin a nei fel ta. Nl.Mahmangaihi hian M.Phil (Sociology) Dissertation title atan hian  "MIZO ENCOUNTER WITH COLONIALISM: NOTIONS OF MEDICAL AND RELIGIOUS HEALING" tih hmangin research tha takin a zo ta a ni. Nl.Hmangaihi hi kan lawmpuiin chhuanawm kan ti a, tunah hian  Ph.D(Sociology) interview turin a in buatsaih leh mek bawk a ni.

Congratulation!