MIZO TLANGVAL K.LALROMAWIA'N USA AH PAPER PRESENT DAWN

Tv. K. Lalromawia (Mama) S/o. K. Zairema, Bawngkawn Chhimveng, Aizawl tuna University of Hyderabad a Ph.D (Management Studies) zirlai mek chuan Dt. 15th-18th March 2013 lo awm turah hian International Academy of Business and Economics, Conference 2012 Orlando, Florida State, United State of America ah research paper "An Empirical Study of the Impact of Marketing Mix Factors On Tourist Satisfaction: A Case of Selected Three States in India"  tih a present dawn. Hetiang khawvel huap pawh a academic conference liantham leh pawimawh a kan Mizo zirlai Tv.K.Lalromawia research paper present tur a thlan zing a a tel ve thei hi keini Mizo Post-Graduate Students’ Union : University of Hyderabad memberte chuan lawmawm kan tiin kan chhuang em em a ni. Mizo hnam tan pawh a hmasawnna zinga pakhat a nih mai bakah Mizo zirlai te tan pawh mi entawn tlak  ani in kan hria a ni.

Tv. K.Lalromawia (Mama) hi tunah hian MPGSU:UoH ah kan Chairman ni lai a nih mai bak ah Hyderabad Mizo Association leh Hyderabad Mizo Christian Fellowship ah te pawh kan hruaitu te zinga mi tangkai tak a ni. Tun tum mai bakah hian vawi tam tak International leh National seminar/conference ah te paper a lo present fo tawh thin a ni. Tv. Mama hi tluang taka paper a present theih nan leh dam taka  India ram a lo let theih nan duhsakna sangber kan hlan e.

Infiamna Report

                      Zo Cup 2013 chu ni 9.02.2013 khan University of Hyderabad Ground ah City Area te huaihawtna hnuaia khelh zawh a lo ni leh ta a. He tournament ah hian MPGSU Zopa team te chu chakber niin final ah hian City Area te 4 - 0 a hnehin an champion ani. He final match, 'amah bik a ropui rapthlak' takah hian Zopa ral hmatawng ṭhami Tv. Joel Lalropuia chuan hattrick siamin a team te hmun himah a hruaikai a, chumai chu duhtawk lo in mihrang chhuakthar, Ex-Captain Biaklala (tunah chuan a inla outlaw) zirtirna hnuai ngei mai a zirchhuak Tv. Joel Lalawmpuia a rawn che ve ta thung! Lehlam hmatawng te dah 'nil' mai duhtawk lo in amah lo zirtirtu te lamah ngei mai chuan penalty nalh tak maiin keeper veilam sirah a rawn hrut lut dalh mai le! A chak tur chu a chiang ta. Huntawp hamrik a ri a sawihmaih theihloh Zonu leh Zopa an team te inkhel ṭawiawm a lo kal te rawn tlan lutin chak an lawm mup mup a, an ṭanrual leh ṭawiawmna khan chakna thahrui a pe a tih loh theihloh ani. Tikhan kum 2012-2013 session a Hyderabad Mizo te tan a Football tournament awm ṭhin pathum (Dika Memorial, HMA Cup leh Zo Cup) ah MPGSU Zopa team te hian chakna an chang kim vek a ni.

                       Tin, ni 21.01.2013 a Andhra Pradesh Inter-College Football Tournament IIIT ground a neihah University Of Hyderabad chu champion niin hetah hian Zopa team aṭangin Tv. James Khamliansawma, Tv. Kamkunga Chongloi, Tv. Joel Lalropuia, Tv. Rammuanpuia, Tv. Leon Lalhriatliana leh Tv. William Haokip te an tel ve nghe nghe. Final ah hian 1-0 a chakin chakna goal hi Tv. Leon-a thun a ni nghe nghe a, team captain hi Tv. William Haokip ani bawk ani.

                                                     MPGSU,UoH VUL ZEL RAWH SE!!!

University of Hyderabad Admission Notification 2013-2014

University of Hyderabad chuan kum 2013-2014 atan admission a hawng leh ta. Admission notice ah hian heng a hnuaia program leh course te hi a zir theih e:-

1) MA and MSc courses (Five years Integrated course) in Sciences, Humanities and Social Sciences 

2) Post Graduate courses (4/6 semesters) in Sciences, Humanities, Social Sciences, Performing Arts, Fine Arts, Art History, Commmunication, Business Administration in Health Care and Hospital Management, Health Psychology, Master of Computer Application and Master of Public Health

3) Adv. PG Diploma and PG Diploma in Folk Culture Studies, Mineral Exploration and Health      Communication

4) MTech programs (4 semesters) in Computer Science, Artificial Intelligence, Information Technology (CA/IA/IT), Computational Techniques, Integrated Circuit Technology, Bioinformatics, Mineral Exploration, Materials Engineering and Nano Science and Technology

5) MPhil programs (2 semesters) in Humanities and Social Science 

6) PhD programs (2-5 years) in Sciences, Humanities, Social Sciences, Dance, Communications, Theater Arts and Management Studies 

7) Integrated/PhD in Biotechnology 

Application form hi 21st December, 2012 - 28th January, 2013 tleng a thehluh theih a ni. Kum dang aiin admission notice a chhuah hma avangin kan naute, kan thiante leh hmelhriat luh tum te kan hrilhdarh vat dawn nia. Admission form leh Prospectus hi University of Hyderabad link a hnuaia kan tarlan atang hian download theh a ni e:
http://acad.uohyd.ac.in/notifications.html

 Tin, admission chungchangah hrechiang duh chuan heng a hnuaia Telephone number ah te hian a zawh fiah theih reng e:

040-23132102, 040-23132103

PS: UoH ah kher lo pawh phai a lehkha zir tum tan Mizoram a final exam zawh hma in ngaihven lawk vek a ngai thin, Mizoram academic calendar hi a tlai thin avangin result a chhuah meuh chuan phailamah admission zawnna tur a vang tlat thin. Tin, entrance exam hi final year result la hre lo tan pawh apply theih vek a ni.

 

Tv. Sawmtea'n Ph.D hmu thar

Tv. Malsawmdawngliana s/o Neihmawii, Ramhlun South chuan vawiin ni 12/10/2012 chawhma dar 11 khan Department of History, School of Social Sciences, University of Hyderabad atangin Ph.D degree a dawng thar. Tv. Sawmtea thesis hi "Aspects of Cultural History of the Mizo in the pre-British Period" tih a ni. Dr. Sawmtea hian British ho hma a Mizo oral tradition leh cultural practices lam chipchiar takin a zirchiang a ni. Dr. Sawmtea hi University of Hyderabad a Mizo zirlai te zingah Doctor of Philosophy dawng thei panga na a ni.
Keini University of Hyderabad Mizo zirlai te chuan, kan u duhtak Tv. Malsawmdawngliana hi a hlawhtlinna ah kan chhuangin kan lawmpui tak zet a ni. A kal leh zel na turah duhsakna sang ber kan hlan e.

XIVth Convocation of University of Hyderabad

Vawiin ni 1.10.2012 khan University of Hyderabad chuan Convocation vawi 14-na chu 
Brahma Kumaris Global Peace Auditorium, ISB Access Road, Gachibowli, Hyderabad ah a nghat a. He programme hi tluang taka neih a ni. UoH-atanga Mizo zirlai degree certificate la thar sawm leh an mahni tawiawmtu thian thenkhatte pawhin hun hlimawm tak an hmang. Chief guest hi Prof. Romila Thapar, Ancient history lama India tana mi chhuanvawr a ni a. Programme hi UoH Chancellor, Dr. C. H. Hanumantha Rao, in a kaihruai a, ani hian zirlai ti tha Medals hrang hrang leh Doctor degree la thar te hnenah certificates a hlan bawk a ni.  Tin, Vice Chancellor nilai, Prof. Ramakrishna Ramaswamy pawhin UoH hmachhawp hrang hrang leh hmasawnna leh hlawhtlinna a neih te a tarlang bawk.

Mizo Zirlai Degree Certificates dawng thar te (a hmuna kal te):

Ph.D Degree

1. H. Vanlalhruaia (History)
2. H. Lalhruaitluanga (Plant Sciences)
3. C. Lalrozami (Mass Communication)

M.Phil Degree

1. Chingngaih Vualnam (History)
2. Lalhmangaihi Chhakchhuak (Sociology)

Masters Degree

1. Lalbiakzuala Ralte (Economics)
2. Lalhruaitluangi (English)
3. Fidelia Lalnunnem (Sociology)
4. N. Malsawmtluangi (Physics)
5. Emily Lalnuntluangi (Health Psychology)

A hmuna kal ve thei ta lo Degree Certificates la thar te
1.Nancy Lalrinmawii (M.Phil in History)
2. Esther Lalparmawii (M.Phil in English)
3. Benjamin Lalfakzuala Khiangte (M.Phil in Political Science)
4. Chrissie Lalhmuthara (M.A in History)
5. G. Khaibiaklal (M.A in Political Science)
6. Lalrindiki Chinzah (M.A in English)
7. Janice Lalchungnungi (M.A in History)
8. Nancy Lawmsangzuali (M.A in Sociology)
9. V. Thanzuali (M.A in History)

.

Nl.Zamtei'n Ph.D hmu thar

  Ms. C.Lalrozami defending her Ph.D Thesis before the examiners

Dt29.8.2012 (Thursday) chawhma dar 11 A.M khan Nl. C.Lalrozami D/o. Lalringliana, Bawngkawn Aizawl chuan Department of Communication, Sarojini Naidu School of Arts and Communication, University of Hyderabad atangin Ph.D Degree a dawng thar. Dr. Zamtei thesis hi "Historical Development of Media in Mizoram: A cultural approach" tih a ni. A thesis ah hian Mizoram a British hun lai atanga tunlai thleng a chanchinbu leh thawnthu bu te than chhoh dan leh chung te atanga Mizo culture tarlanna leh an sukthlek te media zirbingna huang chhung atangin chipchiar takin a zir chiang a ni. He University atanga Mizo zing a Ph.D zirzo palina a ni. Kan u duhtak Nl.Zamtei'n Ph.D degree a nei thar ta hi kan lawmpuiin Mizo fate tan mellung pawimawh tak phunna ah kan ngai a, a kal leh zelna turah keini MPGSU, University of Hyderabad te chuan duhsakna sang ber kan hlan e. Congrats Dr. Zamtei!

University of Hyderabad XIV Convocation Notice

The XIV Convocation of the University of Hyderabad will be held on 1st October 2012(Monday). All the candidates who have passed various Degrees/Diplomas during the period from 1-9-2010 to 31-8-2012  may apply in the prescribed form available in the website: www.uohyd.ac.in and also www.schools9.com / www.indiaresults.com to obtain their degrees/medals either 'in person' or 'in absentia' Last date for application submission is 10th September 2012.