UNIVERSITY OF HYDERABAD, 2016-2017 ACADEMIC SESSION ATAN INTERVIEW LIST CHHUAK

University of Hyderabad ah 2016-2017 academic session atan a written exam paltlanga, interview hmachhawn turte hming tarlan a ni ta. Heng a hnuaia kan tarlan te hi Zohnahthlak zing a hming lang kan hriat theih chin te an ni:

Sl. No.	Roll No.	Hming	Department	Date of Interview
1	21711001	LALRAMHLUNI HMAR	M.Sc. Health Psychology	07-July-2016  10.00 a.m
2	21412001	RUTHI LALRINAWMI	M.P.A. Theatre Arts	02.07.2016  10.00 a.m
3	34451001 11451129	(i) JANGGOULUN SINGSIT (ii) LHAITHENVAH KIPGEN	M.A. Communication	02-July-2016  12.00 noon
4	11196002	ANTHONY LALCHHUANMAWIA	M.Phil. Philosophy	07-July-2016  10.00 a.m.
5	21256001	LALCHHUANAWMI	M.Phil. Comparative Literature	08-July-2016  10.00 a.m.
6	50306003	T KHAIKHOGIN CHONGTHU	M.Phil. History	07-July-2016  10.00 a.m.
7	11316022	KHAMLIANSANG NAULAK	M.Phil. Political Science	07-July-2016  10.00 a.m.
8	11326010 31326009	(i) CHINGLIANKIM MATE (ii) LALRAMMUANI	M.Phil. Sociology	07-July-2016  10.00 a.m.
9	11336010	LALRUATFELA CHAWNGTHU	M.Phil. Anthropology	09-July-2016  10.00 a.m.
10	31109058	PRISCILLA VAHNEIMOI HAOKIP	Ph.D. Chemistry.	07-July-2016  10.00 a.m.
11	31139013	L LHINGJAKIM KHONGSAI	Ph.D. Plant Sciences.	08-July-2016  10.00 a.m.
12	11199006	VANLALHRIATZUALI	Ph.D. Philosophy	08-July-2016  10.00 a.m.
13	11279022	LUNMINTHANG GUITE	Ph.D. English Language Studies.	09-July-2016  2.00 p.m.
14	31329004	HENKHOLAL  (JRF candidate called for interview)	Ph.D. Sociology	08-July-2016  10.00 a.m.
15	31369001	HENKHOLAL  (JRF candidate called for interview)	Ph.D. Social Exclusion & Inclusive Policy.	09-July-2016  10.00 a.m
16	31399002	HENKHOLAL  (JRF candidate called for interview)	Ph.D. Human Rights.	09-July-2016  10.00 a.m.
17	38609004	VANLALHRUAITLUANGA BOCHUNG	Ph.D. Earth and Space Science.	08-July-2016  10.00 a.m.
18	23179016	T DANIEL TUIKHANG KOREN	Ph.D. Biotechnology.	11-July-2016 10.00 a.m.

Tihhmaih palh kan nei a nih chuan in hriatthiamna kan ngen nghal e. ST certificate, original marks memo/Certificates leh Hall ticket ken tel tur a ni e. UGC-NET/JRF, CSIR-JRF/RGNF/MANF candidates te chu an interview ni hian an certificate keng tur a hriattir an ni bawk e. 

Hemi link ah hian result kimchang a en theih e UoH Entrance Result for Interview 2016-17  

Interview chungchang a thuzawh fiah tur emaw harsatna nei tan a hnuaia kan tarlan ah hian University thuneitu te biak pawh theih anni :

Phone nos. 040-23132103, 23132102, 23132101.

E-mail: acadinfo@uohyd.ernet.in

Hmun hran atanga lokal tur thlenna hre lo te tan a hnuaia hming leh phone number ah te hian MPGSU-UoH hruaitute an biak pawh theih ang.

Vanlalvenpuia : +917382452976

H. Lalruatkima : +917382452975

R. Lalnuntluangi : +918790969232

Email: hcumizo@gmail.com

Nl. LALDINSANGI'N SEOUL AH RESEARCH PAPER PRESENT DAWN

Nl. Laldinsangi

MPGSU-UoH member, Nl. Laldinsangi d/o C. Laldina, Mission Vengthlang, Aizawl, tuna University of Hyderabad a Ph.D Animal Sciences zir mek chuan June ni 20-24, 2016 inkara Korea University College of Medicine, Seoul, South Korea a neih tur, 8th Congress of Asia and Oceania Society for Comparative Endocrinology (AOSCE) 2016 ah a research paper a present dawn. A paper present tur title hi "Expression analysis of the c-kit receptor during germ cell development, maturation, recrudescence and after in vivo siRNA silencing in the catfish Clarias gariepinus" tih niin, June ni 23, Ningani chawhma lamah a present dawn a ni.

International symposium a present tura Nl. Dinsangi research paper thlan tel a ni hi keini Mizo Post-Graduate Students' Union, University of Hyderabad member te chuan kan lawmpuiin kan chhuang em em a, tha taka a present theih nan leh a kal leh zelna turah duhsakna sang ber kan hlan e.

MPGSU member pahnihin International Conference ah Research paper present

MPGSU-UoH member pahnih, Nl. C. Vanlalhruaii leh Nl. R. Lalnuntluangi, University of Hyderabad a Ph.D Psychology zirlai ve ve te chuan Department of Psychology, Bangalore University  buatsaih, International Conference of Indian Academy of Applied Psychology 2016, May 6-7, 2016 a Bangalore University a neih takah an Research paper ve ve tha takin an present.

Nl. C. Vanlalhruaii (Ph.D Psychology)

Nl. C, Vanlalhruaii hian a paper, "Cancer patients' quality of life and mental states as predictors of their caregivers' quality of life and mental states" tih chu May ni 7 khan a present a. Nl. R. Lalnuntluangi hian a paper, "Role of illness and gender in social support and adherence"  tih chu May ni 7 vek khan a present bawk a ni.

Nl. R. Lalnuntluangi (Ph.D Psychology)

Kan member te, Nl. C. Vanlalhruaii leh Nl. R. Lalnuntluangi te'n International conference a research paper an present thei hi keini MPGSU-UoH te chuan kan chhuangin kan lawmpui em em a ni.

UNIVERSITY OF HYDERABAD ENTRANCE EXAMINATION 2016-2017 NOTICE

MIZO POST GRADUATE STUDENTS’ UNION: UNIVERSITY OF HYDERABAD

P.O. Central University, Prof. C.R Rao Road, Gachibowli, Hyderabad – 500046

Dt. 13.4.2016

PRESS RELEASE

University of Hyderabad chuan kum 2016-2017 chhung atan Integrated M.A/M.Sc; MA; M.Sc; MCA; MFA; M.Phil; M.Tech; Ph.D etc. zir tum te tan April 13, 2016 - May 10, 2016 chhungin entrance exam online a dil theihna hun a hawng leh ta. Application hi http://acad.uohyd.ac.in/ee16.html ah tih theih a ni a, Prospectus pawh hemi site ah vek hian download theih a ni. Integrated M.A/M.Sc hi Mizo te’n kan la hmelhriat vak lo mai thei a, hei hi class-12 zirzo tawh te’n Master degree  course kum 5 chhung (10 semester) a an zir theihna tur a ruahman a ni. A bak Master degree course leh research course ho erawh chu India ram University dang te ang bawk a kalpui a ni. June 2016 thla a final exam zo turte tan pawh a apply theih ang.

Entrance exam centre hi India ramah 37 awmin Mizoram leh hmarchhak state zirlai te tan exam centre remchang te chu: Kendriya Vidyalaya Project Pushpak, Zemabawk Aizawl Mizoram – 796017 bakah Shillong, Guwahati, Imphal leh Dimapur te an ni.

 Application hi online a tih tur a ni a, Mizoram atanga apply duh te tan Dazzlechips Cyber Café, Hrangbana College opposite, Chanmari-ah tih theih a ni. Apply tur te tan passport size photo digital (scanned) copy, 25kb leh scanned signature, 10kb neih tur a ni.

COURSE ZIR THEIH TE:

1) M.A and M.Sc courses (Five years Integrated course) in Sciences, Humanities and Social Sciences 

2) Post Graduate courses (4/6 semesters) in Sciences, Humanities, Social Sciences, Performing Arts, Fine Arts, Art History, Communication, Business Administration in Health Care and Hospital Management, Health Psychology, Master of Computer Application and Master of Public Health

3) Adv. PG Diploma and PG Diploma in Folk Culture Studies, Mineral Exploration and Health      Communication

4) M.Tech programs (4 semesters) in Computer Science, Artificial Intelligence, Information Technology (CA/IA/IT), Computational Techniques, Integrated Circuit Technology, Bioinformatics, Mineral Exploration, Materials Engineering and Nano Science and Technology

5) M.Phil programs (2 semesters) in Humanities and Social Science 

6) Ph.D programs (2-5 years) in Sciences, Humanities, Social Sciences, Dance, Communications, Theater Arts and Management Studies 

7) Integrated/PhD in Biotechnology 

APPLICATION

Schedule Tribe (S.T) candidate tan entrance exam application fee hi Rs.150 a ni a, State Bank of India branch hrang hrang-ah challan siam mai tur niin challan siam man hi SBI-ah charge a awm lo ang. Tin, online banking (debit card, credit card leh internet banking) hmangin fee hi a pek theih bawk a ni. Online a application tih zawh hian computer in application number a lo generate ang a, chutah chuan fee pek theihna ONLINE link hmangin a pek theih ang.

UNIVERSITY OF HYDERABAD DINHMUN

(a)    RANKING & ACCREDITION: University of Hyderabad (UoH) hi 2nd October, 1974 khan Act of Parliament (Act No. 39 of 1974) in Central University turin a din a ni a, University Grants Commission(UGC) enkawlna hnuaiah awmin India ram a University tha ber te zingah a tel pha in UGC hian ‘Universities with Potential for Excellence’ dinhmun a pe a ni. University ranking pe thintu National Assessment and Accreditation Council (NAAC) chuan UoH hi ranking a pek theih sangber top grade of A *****  (on a five-point scale A* to A*****) a pe mek a ni. International Bibliographic database lar tak SCOPUS chuan UoH hi India ram University No.1 ah ranking a pe a, kumin hian India Today chuan India ram University tha a thlan chhuah zingah UoH hi South Region ah University tha ber ah a lo puang tawh bawk a ni.  UoH hi Association of Indian Universities (AIU) leh Association of Commonwealth Universities (ACU) ah te member a ni bawk a ni. NISSAT (National Information System for Science and Technology) of the Department of Scientific and Industrial Research (DSIR), Government of India chuan UoH hi India ram University 50 zingah publications in citation - index journals atang a teh in ‘High Output – High Impact’ category ah a dah bawk a ni.
       
      Hemi bakah hian University of Hyderabad hi February ni 4, 2014 khan India President Pranab Mukherjee chuan "Visitor's award for best University 2015" lawmman a hlan bawk a ni. President of India hi India ram puma Central University zawng zawngah Visitor niin, he lawmman, "Visitor's award for best University" hi kum 2015 atanga sem tan a ni a, UoH hi he lawmman dawng hmasa ber tu a ni.

   Tin, Ministry of Human Resource Development, Government of India hnuaia National Institutional Ranking Framework in tehna fung hrang hrang - Teaching, Learning & Resources (TLR), Research, Professional Practice & Collaborative Performance (RPC), Graduation Outcomes (GO), Outreach (OI) leh Perception - hmanga endik hnua India rama University tha a thlan chhuah, April ni 4, 2016 a a tar chhuah zingah University of Hyderabad chuan University tha ber 4na dinhmun a hauh bawk a ni.

(b)   ACADEMIC: UoH ah hian subject leh course hrang hrang zirna school 12 awmin heng school hnuaiah hian department leh centre a belhkhawmin 42 a awm a, zirtirtu (faculty) 400 dawn leh zirlai 5000 chuang an awm mek a ni. University hian Library tha tak, Indira Gandhi Memorial Library neiin lekhabu leh reference materials 350,000 awmin 600 foreign journals leh 18,000 online journals leh  10 online databases zirlaite tan a subscribe mek bawk a ni. Zirna/chhiarna room bik AC hnuaih 24x7 in lehkha a zir theih a ni.

(c)    HOSTEL: UoH hi residential campus hrang a awm a nih avang in zirlai zawng zawng tan mipa leh hmeichhe tan Hostel tha tak a awm a, hostel zawng zawng ah hian a thlawn in internet pek vek a ni bawk. Hostel admission fee ST tan course zir tur a zirin in ang lo hlek hlek thin mahse course khat zel-ah hian Rs.2500-3000 inkar vel a ni tlangpui a, tin thlatin mess fee hi Rs.1000-Rs.2000 inkar a ni thin bawk.

(d)   SPORTS FACILITIES: UoH hian zirlai te taksa leh rilru lama an lo hriselna a tan sports facilities changtlung tak a nei a, football field-1, basketball court-3, volleyball court-3, cricket ground-1, tennis court-2, race track bakah Indoor stadium chhungah Badminton court-5, gymnasium changtlung tak a nei bawk.

(e)   ADMISSION FEE: UoH-ah hian course zir tur azirin admission hi fee hi a in ang lo a, admission fees tlangpui chu hetiang hi a  ni: Integrated M.A leh M.A course-ah hian Rs.4300, M.Sc/MPA/MFA ah Rs. 5345, M.Sc (Botechnology) ah Rs.8810, M.Sc (Animal Biotechnology) ah Rs.8875 leh M.Sc (Health Psychology) bikah Rs.12680, M.Phil-ah Rs.5025, Ph.D-ah Rs.4765-Rs.6615. Admission fee kimchang hi Prospectus 2016-17 ah a en theih ang.

(f)     SUM SENSO NGAI ZAT: Master degree (P.G course) zirlai te tan hian a tlangpui thu in sum senso hi a hautak em em lo a, semester 1 (thla 6) chhung hian admission fee leh hostel mess fee zawng zawng leh khawchhung a veivahna nen a chhut in Rs.33,500 vel seng in lehkha a zir theih a ni.

UT/NE STATE NOMINATION CHUNGCHANG:
University of Hyderabad hian  Union Territory leh North-East state te inchuh turin Department/Centre tinah seat khat a hauh sak thin a. Tin, School thenkhat, a hnuaia department hranpa awm lo (e.g., School of Economics) ah hian seat 2 a hauh thin bawk. Hemi state nomination hi Directorate of Higher & Technical Education kaltlanga dil tur a ni ang. Dil dan tur chu: April ni 13 - May ni 10, 2016 inkar chhungin online in apply phawt a, online vekin fee pek tur a ni a, chumi zawh vek hnuah chuan apply na leh fee pekna hard copy kha Directorate of Higher & Technical Education, Aizawl a thehluh tur a ni ang. H&TE lamin May ni 20 hmain University lamah an lo forward ang. Hrechiang duh tan UTNE ah hian a en theih ang.

Admission chungchang a thuzawhfiah duh neite tan Telephone no:  040-23132102, 040-23132103-ah te University of Hyderabad thuneitu te a biakpawh theih a ni.

Mizo Post Graduate Students’ Union: University of Hyderabad te chuan kan Mizo zirlaipui ten University of Hyderabad-ah entrance exam hlawhtling tak an inziah tlin ngei kan duhsakin academic session tharah inlungrual taka lehkha kan zirho theih ngei nan admission chungchang a intanpui ngai a nih pawn theihtawp chhuah kan inhuam reng e. Admission chungchangah hian heng Phone number-ah te hian Mizo zirlaite an biakpawh theih ang: +917382452976 (Vanlalvenpuia) /  +917382452975 (H. Lalruatkima) / +918790969232 (R. Lalnuntluangi). E-mail; hcumizo@gmail.com.

Admission Notification
Prospectus 2016-17
Instructions for filling the Online Application
Instructions for Online Payment/Netbanking
Qualifications, Intake, Schedule of Entrance Exam
List of Courses Offered
ONLINE APPLICATION
Seat reservation for UT/NE

VANLALVENPUIA                                                                      H. LALRUATKIMA
      (Chairman)                                                                                   (Secretary)

Nl. Lalnuntluangi'n National Conference ah paper present

Kan member, Nl. R. Lalnuntluangi, University of Hyderabad a Ph.D Psychology zir mek chuan Pondicherry University a Department of Applied Psychology buatsaih, National Conference on Caring the Elderly: Psychosocial Perspective (NCCE 2016), March 23-24, 2016 a neih takah chuan a research paper, "Social Support and Adherence among elderly with chronic illness" tih chu March ni 23 khan a present a ni, Kan member Nl. R. Lalnuntluangi'n National Conference a research paper a present thei hi keini MPGSU-UoH member te chuan chuanawm kan tiin kan lawmpui em em a ni.

R. Lalnuntluangi (Ph.D Psychology)

UNIVERSITY OF HYDERABAD 2016 NIGHT CUP AH ZONU CHAMPION

University of Hyderabad a Students' Union in kumtina a buatsaih Night Cup (Volleyball, Basketball, Throwball leh Football) chu March ni 11, Zirtawpni ah tan niin, March ni 18, Zirtawpni khan zawh a ni a, Zonu hi Basketball, Throwball leh Football ah te telin Basketball leh Football ah Champion no mawi an hawn ve ve a ni.

Throwball leh Basketball hi Zonu hian March ni 13, Pathianni zanah an khel ve ve a, Throwball hi zan tir lamah khelin Devastators an tum a, vanduaithlak takin an chak lo hlauh mai a. Basketball hi zan dar 12 velah hmeichhe final khelh a ni a, Zonu hian Amateur Shooters tumin 11-7 in chakna an chang a ni.

Zonu Basketball Team:Eli, Hruaii, Apuii, Chingi, Juliet & Te-i

Dr. T. Ao Football Night Cup hi March ni 15, Thawhlehni ah khelh tan a ni a, Zopa lam hi team hnih, Zopa Khuangchera leh Zopa Taitesena tiin an chhuak a, anni lam hian vanduaithlak takin quarter final an paltlang lo ve ve a ni. Zonu hian March ni 17 zanah semi final khelin Naga Phoenix team chu Eli leh Chingi goal thun hmangin 2-0 in an hneh a. Final hi March ni 18 zanah khelh niin hetah hian Zonu hian Naga Queen Chilli chu Claire leh Chingi goal thun hmangin 2-0 veka hnehin Champion no mawi an dawng a ni. Hemi mai bakah hian Zonu goalkeeper Apuii'n Best Keeper lawmman a la a, Chingi'n Top Scorer lawmman la in Eli'n Best player lawmman a la bawk a ni.

Zonu Football team: 1st Row LHS: Te-i, Audrey, Hruaii, Apuii, Chingi, Claire, Dinsangi
2nd Row LHS: Cte-i, Eli, Zuali & Juliet

Kum 2016 Night Cup hi MPGSU-Uoh tan bik chhinchhiahtlak tak niin Zonu Captain Juliet-i kaihhruaina hnuaiah kumdanga la thleng ngai lo, a rualin Football leh Basketball ah Zonu ten Champion no mawi an hawn ve ve a ni.

Nl. Lalhmingmawii'n International Workshop ah paper present

Kan member, Nl. Lalhmingmawii, Ph.D Scholar, Department of Sociology, University of Hyderabad chuan International Workshop on Religion and Law: Colonial and Post-Colonial Encounters, March 9-11, 2016 inkara Centre for the Study of Comparative Religions and Civilizations, Jamia Millia Islamia, New Delhi leh Indian Council of Social Science Research (ICSSR) tangkawpin an buatsaih ah research paper a present a, a paper hming hi "Between legality and illegality: Trans subjects and religious vigilantism in Mizoram" tih a ni. Kan member Nl. Lalhmingmawii'n International workshop a paper a present thei hi keini MPGSU-UoH te chuan kan chhuangin kan lawmpui em em a ni.

Nl. Lalhmingmawii, Ph.D Scholar, University of Hyderabad