UNIVERSITY OF HYDERABAD 2020 BASKETBALL NIGHT CUP AH ZOPA LEH ZONU CHAMPION

        University of Hyderabad a Students' Union in kumtina a buatsaih Night Cup (Volleyball, Basketball leh throwball) chu February 26, Nilanini ah tan niin, February ni 29, Inrinini khan zawh a ni a. ZOPA leh ZONU Team te heng events ah hian kan tel thei vek a. Vanduaithlak tak in Volleyball ah leh Throwball ah first round ah kan opponent te kan kian ta a. Amaherawhchu, Basketball ah ZONU leh ZOPA team ten hnehna chang in, Unisex leh Women's Category ah Championship Title kan la ve ve a ni. ZOPA leh ZONU team a rual a an Champion vawikhatna mai bakah, ZOPA team Basketball a an vawikhat champion na a ni a. A ropui hle a ni.

        He tournament ah hian ZOPA ten finals thlen nan match 4 kan khel a. Finals ah Savage Shooters te point 5 difference a hneh in kan champion ta ani. 2018 & 2019 Basketball Night Cup ah ZOPA team te hi Runners up an lo ni zawn toh nghe nghe a ni. Tun tum ZOPA team ah hian mi 7 an khel a ni. 

1st Row Left-Puia, Srinu,Karam,Mapeka (Captain)
2nd Row Left-Ahmaa, George, Eric

         ZONU team ten semi final ah ANGRY BIRDS chu hnehin, finals ah IDIVETT an tum a,hnehna an chang leh a ni. An chak na point hi a sang hle a, a vawm luh theih ang ang an vawm lut emaw tih mai tur in an score hnem ani. ZONU team te hi Basketball Night Cup 2016 ah an lo champion tawh a, 2017 leh 2018 khan Runners up an la hauh ve zel a (2019 khan Women's Basketball a awm lo a ni). Tun tum ZONU team members te hi 7 an ni a.

1st Row Left: Atlani, Tluangpuii, Chingi, Pinky
2nd Row Left: Juliet, Priyanshi, Mafaki (Captain)

         Tin, he tournament ah hian Unisex leh Women's Category ah Most Valuable Player(MVP) thlan a ni a. He title hi kan member Eric C Ramtharnghaka (Unisex) leh Lalfakawmi(Women's) ten an la ve ve a. Kan chhuang hle ani.

MVP's Eric & Mafaki

         He tournament kan neih chhung a players te inpumpekna leh an in puahchahna hi a ropui in a lawmawm hle a. Tin Fans te leh MPGSU  member te kan in tawiawm tawn na ah pawh lawmthu  kan sawi leh mawlh mawlh e.

MPGSU Family

Left: Thlanawma, Rammuana, Bl-a, Te-a

MPGSU VUL  ZEL RAWH SE, ZONU & ZOPA LONG LIVE

“Whatever you do, do it all for the glory of God.” 

1 Corinthians 10:31

Malsawmna min vurtu Lalpa Isua ropui ber rawh se, Amen.

UNIVERSITY OF HYDERABAD AH MBA ADMISSION 2020-21 NGAIHVEN THEIH E

University of Hyderabad a 2020-21 chhung a MBA course zir tum te tan ngaihven theih a ni ta. CAT 2019 a inziak tling te tan ngaihven chi a ni.

Prospectus download leh online a apply theih hun chhung 
21st August - 15th December, 2019


Application Fees: General: 550/-;  EWS : Rs.500/-;  OBC : Rs.350/-;  SC/ST/PWD(PH) : Rs 250/-. 

A hnuaia link ah hian University notice chhuah pdf in a download theih e.

http://acad.uohyd.ac.in/downloads/MBA20_21.pdf






University website lama enchiang duh tan a link ah hian a en theih bawk e.

http://acad.uohyd.ac.in/mba20.html

Zawhfiah duh nei tan: Dean, School of Management Studies, University of Hyderabad,
 Ph:040-23132444/040-23132102, E-mail: entrance@uohyd.ac.in

Tv. Lalzarzoa'n PH.D DEGREE HMU

         Tv. Lalzarzoa (Zara) s/o R.Hrangzuala, Kawnveng, Sialsuk chuan November ni 9, 2019 chawhma dar 10:00 khan Department of History, Seminar hall, Room number-159 ah tha taka Viva Voce neiin a thesis a defend hnuah School of Social Science, University of Hyderabad atangin Doctor of Philosophy (Ph.D) degree dawng tura recommend a ni. A thesis topic hi “Material Culture of the Mizo in Pre-Modern Period" tih a ni. Convocation hmasa berah degree hi hlan a ni dawn a ni.

             Dr. Lalzarzoa hi University of Hyderabad a Mizo zirlaite zinga Ph.D degree dawng thei sawmparukna(16-na) a ni. Mizo Post Graduate Students' Union(MPGSU), University of Hyderabad chuan  Dr. Lalzarzoa hi kan chhuangin kan lawmpui em em a; a kal leh zelna turah duhsakna sang ber kan hlan a ni.

MPGSU Advance Christmas 2019

MPGSU Advance Christmas 2019 chu November ni 2, 2019(Inrinni) tlailam dar 6:45 ah Student's recreation hall ah hlawhtling taka hman ani. He hun hi 1st leh 2nd session-a then a ni a, 1st session programme chu a hnuaia mi ang hian hman ani.

Hruaitu: Tv. H Lalmuanzuala Tantu: Nl. Lalhriatchhungi Thusawi tawi: 1. Tv. V L Nunpuia 2.Nl. Juliet F Lalzarzoliani Special Item : Tv. Nunsangzela Khupchawng

1st Session zawhah hian Organising Batch 2019 ten Chhangban kan, kawrtai leh thingpui hang tui tak min hlui a, an chungah kan lawm hle ani.

Refreshment pawh Chhangban leh kawrtai nen ngat !

2nd Session lamah pawh a hnuaia mi ang hian programme hman leh ani: Host - Christina Lalnunfeli & Nunsangzela Khupchawng Opening Song - Organizing Batch Special items - 1). 2018 batch 2). Games 3). Barakhaih Gift exchange - Joanne Ramnunengi & H.Lalromawia

Host

Barakhaih award- Bethlehem thlasik award

Barakhaih award- Mari leh Josepha award

2018 Batch Special Item

Organising Batch 2019

Organising Batch 2019 ten 2nd Session programme Opening Song nen an hawng.

Mari leh Josepha award

Tv. Roberta'n MPGSU Special Bulletin, Sikni êng min release sak.

Gift Exchange

2nd session zawh ah hian ruai tui tak kil ho nghal ani a, kham lo tak leh hlawk tak si in kum 2019 advance christmas chu zan dar 10:15 velah kan zo fel thei ani. He hun hlu tak hmang theia MPGSU member-te min siamtu Pathian hnenah lawmthu kan sawi e.

Ruai tui tak kil ho ani.

Nl.R.Lalnuntluangi'n PH.D DEGREE HMU

                Nl. R.Lalnuntluangi (Matetei) d/o Lalthantluanga Colney, Chanmari, Aizawl chuan October 18, 2019 chawhma dar 11:00 khan Zakir Hussain Lecture Hall, Room No. F-4 ah tha taka Viva Voice neiin a thesis a defend hnuah Centre for Health Psychology, University of Hyderabad atangin Doctor of Philosophy (Ph.D) degree dawng tura recommend a ni. A thesis topic hi “Role of self-efficacy, Outcome Expectancy, Perceived Health Competence in Coping and Management of Diabetes Patients" tih a ni. Convocation hmasa berah degree hi hlan a ni dawn a ni.

             Dr. R.Lalnuntluangi hi University of Hyderabad a Mizo zirlaite zinga Ph.D degree dawng thei sawmpangana(15-na) a ni. Mizo Post Graduate Students' Union(MPGSU), University of Hyderabad chuan Dr. R.Lalnuntluangi hi kan chhuangin kan lawmpui em em a; a kal leh zelna turah duhsakna sang ber kan hlan a ni.

       .

University of Hyderabad, XXI Convocation 2019 hman a ni

University of Hyderabad chuan XXI Convocation chu October ni 1, 2019 khan Brahma Kumari Shanti Sarovar Global Peace Auditorium, Gachibowli ah tluang takin a nei. He convocation-ah hian Professor Ashutosh Sharma, Secretary, Department of Science and Technology, Government of India chu Chief Guest niin Convocation address a pe a, convocation hun hi Justice L. Narasimha Reddy, University Chancellor in a kaihruai. Zirlai 1565 graduate in, chung zingah chuan Doctor of Philosophy degree mi 264 in an dawng. Tin, zirlai 162 in meritorious Gold medal an dawng bawk a ni.

He XXI Convocation ah hian MPGSU member thin, kan alumni atangin mi 14 ten degree an dawng a. Chungte chu:


1. Nl. Lalhmangaihi Chhakchhuak, Doctor of Philosophy in Sociology
2. Nl. C. Vanlalhruaii, Doctor of Philosophy in Health Psychology
3. Tv. Lalvenpuia, Doctor of Philosophy in Philosophy
4. Nl. Ruthi Lalrinawmi, Theater Arts (University Medal and Ambedkar Award SC/ST Medal)
5. Nl. Shirley Lalrinfeli, Master of Arts in English (Ambedkar Award SC/ST Medal)
6. Nl. Jennifer Singson N, Master of Arts in Anthropology(Ambedkar Award SC/ST Medal)
7. Malsawmhriatzuali, Master of Arts in Political Science
8. Zothanzaua, Master of Arts in English
9. Samuel Vanlalruata, Master of Science in Statistics
10. Grace Zothansangi, Master of Arts in Philosophy
11. Jenny Thanhlupuii, Master of Arts in Sociology
12. Mary Vungsen, Master of Business Administration in Business Analytics
13. Lalmuanpuii, Master of Arts in Sociology
14. Reuben Lalchhandama, Master of  Science in Ocean and Atmospheric Science

MPGSU chuan kan member hlawhtlingte kan lawmpuiin kan chhuang em em a, an kal leh zelna turah duhsakna sang ber kan hlan bawk e.

Nl. Lalhmangaihi Chhakchhuak in PH.D DEGREE HMU

       Nl. Lalhmangaihi Chhakchhuak (Mahmai) d/o Lalrinmawia Chhakchhuak(L), Chawlhhmun, Aizawl chuan September ni 13, 2019 chawhma dar 11:30 khan SAP Seminar hall ah tha taka Viva Voice neiin a thesis a defend hnuah; Department of Sociology, School of Social Sciences, University of Hyderabad atangin Doctor of Philosophy (Ph.D) degree dawng tura recommend a ni. A thesis title hi "Diseased Body and Social Suffering: A Study of Cancer Affected in Mizoram" tih a ni. Convocation hmasa berah degree hi hlan a ni dawn a ni.

        Dr. Lalhmangaihi Chhakchhuak hi University of Hyderabad a Mizo zirlaite zinga Ph.D degree dawng thei sawmpalina(14-na) a ni. Mizo Post Graduate Students' Union(MPGSU), University of Hyderabad chuan Dr. Lalhmangaihi Chhakchhuak hi kan chhuangin kan lawmpui em em a; a kal leh zelna turah duhsakna sang ber kan hlan a ni.