University of Hyderabad Admission Notice for 2012-2013

"Study at the University of Hyderabad..Join us in our journey towards excellence"

University of Hyderabad ah 2012-2013 chhung atan admission form a download theih ta e. Prospectus-cum-Application form hi a bu a lei turin siam a ni lova online in university website atanga download theih a siam a ni. Admission hi Integrated Master(Science & Arts) Post Graduate course,M.Phil,M.Tech & Ph.D ah te tih theih a ni ang.Application form submit rualin Entrance Examination fee atan hian ST candidate te tan Demand Draft (in favour of Finance officer, University of Hyderabad, State Bank of India, Hyderabad University Campus Branch Code:5916) Rs.125/- in siam tel tur a ni. 

Application form hi mahni in University Academic section ah emaw dak(post) hmangin Deputy Registrar (Acad. & Exams), P.O.Central University,Hyderabad-500046 ah thehluh theih  a ni e.

Last date for the receipt of filled-in Application forms: 4 May 2012

Date of entrance examination: 1-7 JUne 2012

Downloading of Hall Tickets from: 21 May 2012

Mizoram a tan a exam centre remchang te:Aizawl,Shillong,Guwahati etc.

Admission enquiries:040-23132102,23132103

Application form download na leh hriat chian nei duh tan a hnuaia link ah hian en theih a ni e.

ADMISSION FORM DOWNLOAD LINK

Sangtea'n University Asst.Professor hna hmu thar

Lalrinsanga Hnamte

Tv. Lalrinsanga Hnamte S/o.R.H Zachhunga (Sialhawk)  tun a University of Hyderabad a Ph.D(Physics) zirlai mek chuan Gandhigram Rural Institute - Deemed University (Tamil Nadu) ah Assistant Professor in Physics hna a hmu thar. Tv.Sangtea hi Mizo Post-Graduate Students Union (MPGSU), University of Hyderabad a kan Secretary ni lai a ni a, tin Hyderabad Mizo Association ah Cultural Secretary tanglai niin Hyderabad Mizo Christian Fellowship ah Executive Committee member a ni mek bawk. 

Tv. Sangtea hian M.Sc a zirlaiin Physics Subject atangin CSIR-UGC NET JRF a lo in ziak tling tawh a, hei  bak ah hian All India exam - Graduate Aptitude Test in Engineering (GATE) ah pawh a lo in ziak tling tawh bawk a ni. Mithiam tam tak awmna state Tamil Nadu a University faculty hna hmu pha Tv. Sangtea kan nei hi kan lawmpuiin chhuanawm kan tiin Mizo fate ten zirna lam a hmasawnna rahbi kaina kawngkhat kan thleng niin kan hria. Sir.Sangtea Congratulation!

Mahruaia'n Ph.D degree hmu thar

H.Lalhruaitluanga (Mahruaia) Ph.D hmuthar

Tv. H. Lalhruaitluanga, s/o Lalrithanga, Zohmun, chuan tun Thawhtanni liamta, 14^th November 2011, khan Doctor of Philosophy (Ph.D), School of Life Sciences, University of Hyderabad atangin a hmu thar a. A thesis hi ‘Bioprospecting Melocanna Baccifera- Phytotechnological Approach’ tih niin, a thil hmuhchhuah zingah heng:

1)      Removal of heavy metals using Melocanna Baccifera Activated Carbon from aqueous solution.

2)     Evaluation of Phytosterol.

3)     Anti-cancer and anti-bacterial properties of Melocanna Baccifera shoot extracts.

4)     Genetic variation analysis using Genetic Markers (RAPD and ISSR)

         te hi a langsar zual an ni.

A research tih hun chhung hian Mizoram a mau leh mau atanga meihawl siam te zir chiang in, cancer leh thir lam chi (heavy metals) atanga natna leh harsatna thleng thei te ven nan ah leh enkawlna a hman an nih theih dan te a zirbing ani.

Tv. H. Lalhruaitluanga hian International Journal Paper Publications panga (5) leh National Journal Paper Publication pakhat (1) nei tawh in ‘Euro Biotech 2010’  Poland leh Belgium a neih ah seminar paper  ‘Potential of  Melocanna Baccifera: Raw and Activated Charcoals of Cd from Aqueous Solution’ a lo pe tawh bawk.

Keini University of Hyderabad a Mizo zirlai te chuan Tv.Mahruaia hi a hlawhtlinna ah kan lawmpuiin, a hma hun leh a kal zelna turah duhsakna kan hlan e.

Tv.K.Lalromawia'n international conference pahnih a paper present

K.Lalromawia Ph.D (Mangement Studies) UoH

Tv.K.Lalromawia (Mama) S/o.K.Zairema, Bawngkawn, Aizawl tuna Ph.D (Management Studies)  University of Hyderabad a zirlai chuan Dt.4-5 November 2011 khan International Association of Management Scholar leh Forest Research Institute University, Dehradun  te buatsaih 'International Conference on Business and Technology" ah research paper tha tak "Marketing of tourism towards sustainability" tih a present a ni. Tv.Mama research paper hi he international conference a paper 150 lut zinga a paper tha 20 an thlanchhuah zing ah a tel pha a ni. Paper tha tlan chhuah 20 zing a a tel ve avang hian conference ni hnihna a Session vawi khat ah chairperson a ni nghal bawk a ni.

Hemi bak ah hian Tv.K.Lalromawia hian Dt.9-11 November 2011 chhung a Indian Institute of Management (IIM) Shillong ten '2nd international conference on sustainability : people, planet and prosperity'  an buatsaih ah tel leh in 11 November 2011 khian research paper "A study of new land used policy in Mizoram : sustainability perspectives" tih a present leh dawn a ni.

Keini Mizo Post Graduate Students Union, University of Hyderabad te chuan kan Chairman ni lai Mizo tlangval Tv.K.Lalromawia'n khawvel leh India ram chhung a management zirna lama mi thiam chhuanawm tak tak te telna International Conference pahnih lai a a research paper a present thei hi chhuanawm kan tiin Mizo zirlai te tan mi entawntlak niin kan hria a, kan lawmpui em em a ni. Tv.Mama hian International leh National huap pawh in research paper tha tak tak a lo published nual tawh bawk a ni. Mama Congratulation! 

Dr.H Vanlalhruaia'n Vienna-a International conference neih ah paper present

Dr.Taitea te paper present na University of Vienna chu

Tunhnai lawk a University of Hyderabad atanga Doctorate degree hmu thar Dr.H.Vanlalhruaia (Taite-a) S/o.H.Vanneii, Serkawn Lunglei chuan Dt.15th September 2011 (Thursday) khan University of Vienna (Institut für Kultur- und Sozialanthropologie der Universität Wien) Vienna, Austria ah German Anthropological Association (Deutsche Gesellschaft für Völkerkunde) te buatsaih international conference (GAA Conference 2011: "Wa(h)re 'Kultur'" - Cultural Heritage, Revitalisation and the Renaissance of the Idea of Culture) ah research paper "Jhum Cultivation versus New Land Use Policy – Agrarian Change and Transformation in Mizoram" tih tha takin a present a ni. Dr.H.Vanlalhruaia hian research paper a present hi Austria a Mizo research ti  a awm mek  Shahnaz Kimi Leblhuber (Department of Social and Cultural Anthropology, University of Vienna, Austria) nen joint paper in an present a ni.

Dr. H.Vanlalhruaia (Taite-a) te paper present na hi  German Anthropological Association te leh  Department of Cultural and Social Anthropology, University of Vienna (Institut für Kultur- und Sozialanthropologie der Universität Wien), Institute for Social Anthropology, Austrian Academy of Sciences (Institut für Sozialanthropologie der Österreichischen Akademie der Wissenschaften) and the Museum of Ethnology (Kunsthistorisches Museum mit Museum für Völkerkunde und Österreichischem Theatermuseum) te tangrual in an huaihawt niin khawvel zirna lam a mithiam rual hrang hrang te he hun ah hian an pungkhawm a ni. Khawvel huap academic conference a Mizo researcher Dr.H.Vanlalhruaia leh Shahnaz Kimi  ten joint paper tha tak a an present thei hi keini Mizo Post-Graduate Students' Union (MPGSU), University of Hyderabad-te chuan kan lawmpuiin  Mizo fate te tan pawh mi chhuanawm an ni in kan hria a, lawmpuina leh chawimawina kan hlan e. An kal leh zelna turah pawh duhsak sang ber kan hlan e.

Tv.Benjamin-a M.Phil zo in min haw san ta

Benjamin Lalfakzuala Khiangte

Tv.Benjamin Lalfakzuala Khiangte chuan zanin (12 September 2011 Monday) khan a M.Phil thesis a thehluh tak avangin min haw san ta. Tv.Bena-a hian Dt.17th August 2011 khan Department of Political Science, University of Hyderabad ah M.Phil Thesis "Constitutional Guarantees and Policies for Tribal Development" tha takin a submit a ni. Tv.Bena'n M.Phil tha tak a a zo hi kan lawmpuiin a kal leh zelna tur ah duhsakna sang ber kan hlan e.

Dr.H.Vanlalhruaia kan nei ta

Dr.H.Vanlalhruaia'n Viva voice presentation a nei lai.

Dt. 23 August 2011 (Tuesday) 12:00 p.m. khan Department of History, University of Hyderabad ah Tv.H.Vanlalhruaia (Taitea/ Epis Temology) S/o.H.Vanneii, Serkawn Lunglei chuan Ph.D viva seminar tluang takin a nei zo ta. A thesis hi "A history of traditional medicine of Mizoram in pre-modern period" tih a ni. External Examiner in a thesis hi a fakin midang te chhiar theih tur a publish thuai turin thurawn a pe hial a ni. Doctorate degree dawng thar kan u duhtak Tv.H.Vanlalhruaia hi kan lawmpuiin kan chhuang em em a ni. Congrats to Dr. U Taitea.

Doctor lo ni ta Tv.Taitea hi tunah hian Vienna, Austria ah International seminar paper present turin a inbuatsaih mek a ni.