UNIVERSITY OF HYDERABAD ENTRANCE EXAMINATION 2018-2019 HRIATTIRNA

MIZO POST GRADUATE STUDENTS’ UNION: UNIVERSITY OF HYDERABAD

P.O. Central University, Prof. C.R Rao Road, Gachibowli, Hyderabad – 500046

Dt. 10.04.2018

University of Hyderabad chuan kum 2018-2019 chhung atan Integrated M.A/M.Sc, MA, M.Sc, MCA, MFA, M.Phil, M.Tech, Ph.D, etc. zir tum te tan 5th April, 2018 – 5th May, 2018 chhungin entrance exam online a dil theihna hun a hawng leh ta.

Application hi online in https://online.uohyd.ac.in/ ah tih theih a ni. Scheduled Tribe (ST) students tan chuan Post-Graduate course leh 5 year Integrated course luh nan hian Qualification ah "Pass" a tawk. Scheduled Tribe (ST) candidate tan entrance exam application fee hi Rs.250 a ni a, online banking (debit card, credit card leh internet banking) hmangin fee hi a pek theih a ni a. Apply tur te tan passport size photo digital (scanned) copy 50kb (jpg) leh scanned signature20kb (jpg) leh a remchan chuan, tribal certificate scanned copy 200kb (jpg) neih tel tur a ni bawk.

Exam hun leh hriattur dang pawimawhte chu university academic website http://acad.uohyd.ac.in/index.html atang a en theih ang. Tin, Prospectus 2018-19 pawh hemi site ah vek hian hmuh theihin a awm bawk a ni.


HALL TICKET hetah hian download theih a ni e. Exam hun/date & time leh rules and regulations kimchang taka tarlan bawk a ni.

Entrance exam centre hi India ramah 38 awmin Mizoram leh hmarchhak state zirlai te tan exam centre remchang te chu: Pachhunga University College, College Veng, Aizawl, Mizoram – 796001, bakah Shillong, Guwahati, Imphal leh Dimapur te an ni.

Question Paper hlui en duh tan http://igmlnet.uohyd.ac.in:8000/question-papers.htm

COURSE ZIR THEIH TE:

1. I.M.A in Social Sciences & Humanities (Hindi & Language Sciences), I.M.Sc courses (Chemistry, Physics, Mathematics, Systems Biology & Health Psychology). Integrated M.A/M.Sc hi Mizo te’n kan la hmelhriat vak lo maithei a, hei hi class-12 zirzo tawh te’n Master degree course kum 5 chhung (10 semester) a an zir theihna tur a ruahman a ni a, Bachelor degree a keng tel nghal bawk a ni. Kum 3 hnuah duh chuan Bachelor degree nen a chhuah (exit) theih a ni.

2. Post Graduate courses (4/6 semesters) in Sciences, Humanities, Social Sciences, Performing  Arts, Fine Arts, Art History, Communication, Master of Business Administration in Health Care and Hospital Management, M.B.A (Business Analytics), Health Psychology, Master of Computer Application and Master of Public Health.

3. M.Tech programs (4 semesters) in Computer Science, Artificial Intelligence, Information Technology (CA/IA/IT), Computational Techniques, Integrated Circuit Technology, Bioinformatics, Mineral Exploration, Materials Engineering and Nano Science and Technology.

4. M.Phil programs (3 semesters) in Humanities and Social Sciences.

6. Ph.D programs (3-5 years) in Sciences, Humanities, Social Sciences, Dance, Communications, Theatre Arts and Management Studies.

7. Integrated M.Sc/PhD in Biochemistry & Molecular Biology.

8. Integrated M.Sc/PhD in Biotechnology.

**Scheduled Tribe (ST) tan hian course tinah seat awm sa atangin 7.5%  hauhsak kan ni**

UNIVERSITY OF HYDERABAD DINHMUN

 (a) RANKING: Ministry of Human Resource Development (MHRD), Government of India hnuaia National Institutional Ranking Framework in tehna fung hrang hrang - Teaching, Learning & Resources (TLR), Research, Professional Practice & Collaborative Performance (RPC), Graduation Outcomes (GO), Outreach (OI) leh Perception - hmanga endik hnua India rama University tha a thlan chhuah zingah University of Hyderabad chuan 5th position a chelh a ni.

   University Grants Commission (UGC) hnuaia Apex Council of NAAC (National Assessment & Accreditation Council) chuan 4.0 CGPA (Cumulative Grade Point Average) scale ah 3.72 (grade ‘A’) kum 5 chhung atan a pe bawk a ni.

 (b) ACADEMIC: UoH ah hian subject leh course hrang hrang zirna school 12 awmin heng school hnuaiah hian department leh centre a belhkhawmin 40 a awm a, zirtirtu (faculty) 400 dawn leh zirlai 5000 chuang an awm mek a ni. University hian Library tha tak, Indira Gandhi Memorial Library neiin lekhabu leh reference materials 350,000 awmin 600 foreign journals leh 18,000 online journals leh  10 online databases zirlaite tan a subscribe mek bawk a ni. Zirna/chhiarna room bik AC hnuaiah 24x7 in lehkha a zir theih a ni.

 (c) HOSTEL: UoH hi residential campus hrang a awm a nih avang in zirlai zawng zawng tan mipa leh hmeichhe tan Hostel tha tak a awm a, hostel zawng zawng ah hian a thlawn in internet pek vek a ni bawk. Hostel admission fee ST tan course khat zel-ah hian Rs.2500-3000 inkar vel a ni tlangpui a, tin thlatin mess fee hi Rs.1500-Rs.2500 inkar a ni thin bawk.

 (d) SPORTS FACILITIES: UoH hian zirlai te taksa leh rilru lama an lo hriselna atan sports facilities changtlung tak a nei a, football field-2, basketball court-3, volleyball court-3, cricket ground-1, tennis court-2, race track bakah Indoor stadium chhungah Badminton court-4, gymnasium changtlung tak a nei bawk.

 (e) ADMISSION FEE: UoH-ah hian course zir tur azirin admission hi fee hi a inang lo a, admission fees tlangpui chu Prospectus 2018-2019 phek (page) 28-na ah en theih a ni.

 (f) SUM SENSO NGAI ZAT: Master degree (P.G course) zirlai te tan hian a tlangpui thu in sum senso hi a hautak em em lo a, semester 1 (thla 6) chhung hian admission fee leh hostel mess fee zawng zawng leh khawchhung a veivahna nen a chhut in Rs.30,000 vel seng in lehkha a zir theih a ni.

Admission chungchang a thu zawhfiah duh neite tan Telephone no: 040-23132102, 040-23132103-ah te University of Hyderabad thuneitu te a biakpawh theih a ni.

Mizo Post Graduate Students’ Union: University of Hyderabad te chuan kan Mizo zirlaipui ten University of Hyderabad-ah entrance exam hlawhtling taka an inziah tlin ngei kan duhsakin academic session tharah inlungrual taka lehkha kan zirho theih ngei nan admission chungchang a intanpui a ngai a nih pawn theihtawp chhuah kan inhuam reng e. Admission chungchangah hian heng Phone number-ah te hian Mizo zirlaite an biakpawh theih ang:

Lalruatfela Chawngthu (Chairman):  +917680933507

Anthony Lalchhuanmawia (General Secretary): +918837229372

Juliet F. Lalzarzoliani (Treasurer): +919704672723

C.Vanlalhruaii  (Assn. Prof, Health Psychology): +917799327569

N. Malsawmtluangi (Ph.D Physics): +919542966061

Vanlalvenpuia  (Ph.D Philosophy): +917382452976

Teresi Lalmuanawmi (Ph.D Linguistics): +917005944906

R. Lalnuntluangi  (Ph.D Health Psychology): +918790969232

E-mail: hcumizo@gmail.com.

                    sd/-                                                                                           sd/-

LALRUATFELA CHAWNGTHU                                          JULIET F. LALZARZOLIANI

            (Chairman)                                                                               (Treasurer)

M.Phil submission nei

MPGSU member Tv. Anthony Lalchhuanmawia chuan January, 2018 khan M.Phil submission a nei.

Tv. Anthony Lalchhuanmawia s/o Lalhmangaiha Naulak, Armed Veng South, Aizawl chuan Department of Philosophy, School of Humanities, University of Hyderabad ah tha takin pre- leh post-submission seminar a nei a. A thesis title hi "Marx on Human Nature" tih a ni.

Tv. Anthony-a hi submission a neih lai hian MPGSU General Secretary post chelh lai leh hemi blog enkawl mektu anih avangin a hlawhtlinna thu hi post lawk ani lova, MPGSU chuan a pawi kan ti takzet a ni. 

Tv. Anthony Lalchhuanmawia hi tunah hian Department of Philosophy,Pachhunga University College ah Guest Faculty a thawk mek niin, MPGSU chuan a hlawhtlinna hi kan lawmpui em em a, a kal leh zelna turah duhsakna sang ber kan hlan bawk a ni e.

University of Hyderabad, XIX Convocation 2017 hman a ni

October ni 1, 2017, chawhma dar 11 khan University of Hyderabad chuan a vawi XIX Convocation na hun, Global Peace Auditorium, Brahma Kumari Shanti Sarovar, Gachibowli ah tluang takin a nei a ni. He convocation ah hian Dr. G. Satheesh Reddy, Scientific Adviser to Raksha Mantri and Director General to Missiles and Strategic Systems chu Chief Guest niin Convocation address a pe a ni. Convocation hun hi Dr. C. Rangarajan, university Chancellor in a kaihruai a ni. Tin, university Vice-chancelllor, Prof. Appa Rao Podile in kum 2016-2017 chhunga university hmasawnna leh research neihte, zirtirtu leh zirlaiten research publication an neih that thu te report an pe a. Tin, University of Hyderabad in solar energy pek chhuah lamah hna a thawh nasat thu te, khawvel university tha thlan chhuahna QS in an neih zo takah University of Hyderabad chuan kum danga a la lan phak ngai lohna 601-650 naah a awm thu a tarlang bawk  a ni. XIX Convocation ah hian Faculty panga in Chancellor Award an dawng a. Zirlai 1421 graduatein chung zingah chuan Docor of Philosophy degree mi 229 in an dawng a. Tin, zirlai 105 in meritorious Gold medal an dawng bawk a ni.

XIX Convocation ah hian MPGSU member thin, kan alumni atangin Zohnahthlak panga ten degree an dawng a. Chungte chu:

1) Laldinpuii, Doctor of Philosophy in English

2) Laldinsangi, Doctor of Philosophy in Animal Science

3) Henry Vumjou, Master of Arts in Philosophy (Ambedkar Award SC/ST Medal)

4) C.Lalramdinpuii, Master of Arts in Sociology

5) Melody Hmangaimawi, Master of Arts in Political Science 

MPGSU chuan kan member hlawhtlingte kan lawmpuiin kan chhuang em em a, an kal leh zelna turah duhsakna sang ber kan hlan bawk e. 

Nl. Lalhmangaihi'n   University of York, York a International Conference ah paper present dawn

Mizo Post Graduate Students' Union (MPGSU), University of Hyderabad member nilai Nl. Lalhmangaihi Chhakchhuak(Mahma-i)  d/o Lalrinmawia Chhakchhuak(L), Chawlhhmun, Aizawl, tuna Ph.D Sociology zir mek chuan,13th - 15th September, 2017 a University of York, York a neih tur "BSA Medical Sociology 49th Conference" ah paper a present dawn.

He conference hi British Sociological Association in a a huaihawt a ni a. Mahma-i paper present tur hi "Global Market: Cross-border Trade and Health Risk" tih a ni a, September ni 15 hian a present dawn a ni.

International conference a present tura Nl. Lalhmangaihi Chhakchhuak research paper thlan tel a ni hi keini Mizo Post-Graduate Student's Union,University of Hyderabad member te chuan kan lawmpuiin kan chhuang em em a, Mizo fate tan a zirna lama hma kan sawn ve zelna entirtu pakhat niin kan hria a ni. Tha taka a paper a present theih nan duhsakna sang ber kan hlan e. 

MPGSU Freshers' Social hman a ni

August ni 11, 2017 tlai dar 6 khan MPGSU chuan kan nau tharte lawm luhna hun hlimawm tak Student's Center Recreational Hall ah hman a ni a. He hun hi 1st session leh 2nd session a hman  a ni a. 1st session hi zirtawp tawngtai inkhawmna anga hman niin, thusawi leh zai ngaihthlakna te a hun hman a ni.

2nd session erawh organizing batch, 2016 batch te kuta awmin anni hian hun te an rawn duang a. Special items bawn tak tak, Research Scholars, 2016 batch leh freshers batch te atangin hmuhnawm leh beng ti tlai tak takte entirin hlim taka hun hman a ni. 

Kan nautharte lawmluh nan oath taking ropui tak Tribal Chief Pu Venpuia kaihhruainain neih a ni bawk a. Tin, "Naute Thar" bulletin ngaihnawm tak tih chhuah a ni bawk a ni. Kan hunte kan hman zawh a, ruai tui tak 2016 batch ten min siam sak ei za in khamlo takin Freshers' social chu kan hmang a ni. 

2017 batch, kan nau tharte

Standing (L-R) Grace, Muanpuii, Shirley, Joanne, Ludi, Jenny, Mikhual, Mary, Jennifer

Sitting (L-R) Samuel, Ramenga, Lawmzuala, Anggu, Duhthlana leh Eric

Organizing batch, 2016 batch. An eirawngbawl a tui hle. Tin, Freshers' social an huaihawt hnehsawh hle a ni. 

Magician ropui, Tribal Chief Pu Venpuia

Freshers' Social Inkhawm

Mr & Miss Freshers

NL. LALDINPUII'N PH.D DEGREE HMU

Nl. Laldinpuii d/o Lalrinawma, Thakthing Veng, Aizawl chuan ni 11, August 2017 chawhma dar 11 khan Department of English, School of Humanities, University of Hyderabad atangin tha taka Viva Voce a neih zawh hnu ah, Doctor of Philosophy (PhD) degree a dawng a ni. Nl. Laldinpuii thesis title hi "Construction of Identities in Selected Folktales of the Lushai Hills and the Khasi Hills" tih a ni.

Dr. Laldinpuii hi University of Hyderabad a Mizo zirlaite zinga Ph.D degree dawng thei 10 na a ni. Amah hi ICFAI University, Mizoram ah English department a Assistant Professor hna thawk lai mek a ni a. Mizo Post Graduate Students' Union, University of Hyderabad chuan Dr. Laldinpuii hlawhtlinna hi kan chhuangin kan lawmpui em em a; a kal leh zelna turah duhsakna sang ber kan hlan a ni.

HNATHAR HMU

MPGSU chairman ni lai mek H. Lalruatkima chuan Asst.Prof(BCA) hna HATIM Lungleiah a hmu a, MPGSU chhungkua chuan hna thar duhawm tak a hmu hi kan lawmpui takzet a ni.