 |
| Nl. N. Malsawmtluangi |
Mizo Post Graduate Students' Union (MPGSU), University of Hyderabad member nilai N. Malsawmtluangi (Te-i) d/o N. Rothanga, Sihphir Venghlun tuna Ph.D Physics zir mek chuan 3rd - 5th August, 2016 a The Institute for Fundamental Study, Naresuan University, Phitsanulok, Thailand a neih tur IF-YITP GR+HEP+Cosmo International Symposium VI ah paper a present dawn.
He conference hi The Institute for Fundamental Study (IF), Naresuan University, Thailand, Yukawa Institute for Theoretical Physics (YITP, Japan) leh Asia Pacific Center for Theoretical Physics (APCTP, Korea) te buatsaih a ni. Te-i paper present tur hi 'Slow-roll inflation and and the BB-mode correlation spectrum of cosmic microwave background' tih a ni a, August ni 3 ah a present dawn a ni.
International symposium a present tura Nl. N. Malsawmtluangi research paper thlan tel a ni hi keini Mizo Post-Graduate Students' Union, University of Hyderabad member te chuan kan lawmpuiin kan chhuang em em a, Mizo fate tan a zirna lama hma kan sawn ve zelna entirtu pakhat niin kan hria a ni. Tha taka a paper a present theih nan duhsakna sang ber kan hlan e.
No comments:
Post a Comment