Saturday, August 8, 2015

Freshers' Social hman a ni

Banner: designed by LRK Studio
2015 academic session atan MPGSU chuan kan nau thar te lo lawm luhna hun, Freshers' Social chu ni 7 August, 2015 zan dar 7 khan Student Recreational Hall ah kan hmang a ni. Tun academic session ah hian nau thar kan nei tam lutuklo a. An vaiin mi paruk an ni a. Chungte chu Lalrinzuali (MA English), Melody Hmangaihmawi (MA Pol. Science), Dino Laldinthara (MA Pol Science), Henry (MA Philosophy), Reuben Lalchhandama (M.Sc Chemistry) leh Laldintluanga (IMA Language Science) te an ni.
Nau tharte

Nau thar lo lawm luhna hi 2014 batch te in huaihawt in, an zarah hun hlimawm tak kan hmang thei a. First session hi hunserh leh fuihna thuchah te ngaihthlakna hunin hman a ni a. Second session erawh intihhlimna hun leh nau tharte interview na hun atan hman ani.
Mr. Fresher atan Nl. Melody Hmangaihmawi thlan ani a, Miss Fresher atan Tv. Dino Laldinthara thlan a ni bawk. Second session hi Lal tawngtaina sawi ho kan hun te kan ti tawp a. Tin, program zawh ah chawhlui tui tak mai kan ei ho a ni. Organizing batch te leh a puitu te an fakawmin, an chungah kan lawm hle.
Organising Batch, 2014 batch
Miss and Mr. Freshers

Nl. Dinsangi'n International Conference ah paper a present

Nl. Laldinsangi, Ph.D Animal Sciences zir mek chuan ni 4th-7th August, 2015 chhung a huaihawt International Conference on Comparative Endocrinology and Integrative Physiology, Techno Park, Trivandrum, Kerala a neih ah paper a present a ni. A paper present hming chu "Induction of sycp3 and ckit using hcg during recrudescence in catfish" tih a ni a. Hetiang International Conference a paper pe thei kan member zinga an awm hi kan chhuangin, kan lawmpui em em a ni. Nl. Dinsangi hi MPGSU member zingah chuan Animal Sciences ah Mizo Ph.D zir kan neih hmasak ber a ni.