Sunday, February 8, 2015

India ram central university thaber ah University of Hyderabad thlan a ni

Dt.4.2.2015 khan India President Pranab Mukherjee chuan India rama central university thaber lawmman "Visitor's Award for the Best University 2015" chu University of Hyderabad (UoH) hnenah a hlan. He lawmman hi UoH aiawh in Pro Vice Chancellor Prof. E.Haribabu an a dawng a ni. University of Hyderabad hi kum 1974 October thla a Parliament in central university atan a an din niin National Assessment and Accreditation Council (NAAC) rating ah a sangber 4 a chhut in 3.72 an hmu a ni. Keini University of Hyderabad a Mizo Post Graduate Students' Union (MPGSU) te chuan kan lehkhazirna University in hetiang chawimawina lawmman hlu tak a dawng hi lawmawm kan tiin vannei kan inti em em bawk a ni.

Hemi rual vek khan President hian University of Delhi a zirtirtu 2 - Prof. Vijay K Chaudhary leh Dr. Amita Gupta te hnenah "Visitor's award for innovation" a hlan a, tin, "Visitor's award for research" chu Jamia Milia Islamia University a Astrophysics and Cosmology lama researcher Prof. M Sami, Prof. Sushant G Ghosh, Prof. Sanjay Jhingan leh Prof. Anjan Ananda Sen te hnenah a hlan bawk a ni


Pix: UoH Pro VC in Best University Award a dawng lai.

His Excellency Pranab Mukherjee, President of India gave away "Visitor's Award for the Best University 2015" to Prof. E.Haribabu, Vice Chancellor, University of Hyderabad at Rashtrapati Bhavan, New Delhi.
 

Nl.Laldinpuii'n International Conference ah paper present

Kan member Nl. Laldinpuii, Ph.D Scholar, Department of English, University of Hyderabad chuan Centre for North East Studies and Policy Research, Jamia Milia Islamia, Delhi ten International Conference on Reimagining India's North East: Network, Narratives and Negotiations an buatsaih ah Dr. P. Thirumal nen a an joint paper 'Towards Charting a less Totalizing Colonial Mizo Historiography: An interpretation of Puma zai movement and the Early Colonial Lushai Society' tih chu Dt.5.2.2015 khan an present. Kan member Nl.Laldinpuii'n International conference a research paper a present thei hi keini MPGSU-UoH te chuan kan chhuangin kan lawmpui em em a ni.

Nl. Laldinpuii (Dii), Ph.D Scholar, University of Hyderabad

International conference ah Chingngaih in paper present

Kan member Nl.Chingngaih Vualnam, Ph.D Scholar, Department of History, University of Hyderabad chuan Dt.1.12.2014 khan International conference on Colonial Northeast India Local Histories, Regional Cultures, Global Connections tih India International Centre (Annexe) New Delhi, India a neih ah research paper 'Notions of history and identity: pre-colonial and colonial Manipur’ tih a present a ni. He workshop hi University 3 - Universities of Delhi, University of Melbourne leh University of Toronto ten a huho a an buatsaih a ni. Hetiang international huap academician te programme a kan member pui Nl.Chingngaih in paper a present thei hi keini MPGSU-UoH te chuan chhuanawm kan tiin, kan lawmpui em em a ni.

Nl. Chingngaih Vualna, Ph.D Scholar, University of Hyderabad

Thursday, February 5, 2015

ZOPA KHUANGCHERA NIGHT CUP 2015 CHAMPION

Zopa team te chuan a vawihnihna atan Night Cup Football Champion nihna an chelh ta.


5th February, 2015. HCU: Kumtin University of Hyderabad Student's Union te'n an lo huaihawt thin Football Night Cup chu tun Sunday, February ni 1 khan khelh zawh a lo ni leh ta a. Campus Mizo ho pawh team hnih chhuak ve lehin, Khuangchera team zawk te'n hemi zan hian Champion no mawi an hawn.

Zopa Khuangchera team-te Champion Trophy S.U. President Vincent-an a hlan
Football Night Cup 2015 hi Dr. T. Ao. Football Night Cup tih hming phuah a ni a. Dr. Talimeran Ao hi Indian National Football Team tana Captain hmasaber niin, 1948 Summer Olympics-ah khan India aiawhin an chhuak nghe nghe.

Dr. T. Ao. Football Night Cup hi team khel la tam ber tum niin, mipa team 34 leh hmeichhe te 5 in entry fee an thehlut a. January ni 29, Thursday tlai dar 5.30 khan khel tanin, February ni 1 (February ni 2 zing dar 2:30 bawr vel) khan zawh fel a ni.

Zopa Taitesena team zawk hian an tumpui hmasaber CCL Lions te 3-0 a hnehin an tum team te hi UNISEX team an ni a, hmeichhia tlem azawng an tel. Vanduaithlak takin SNIPERS team 4-0 a hneh lovin January ni 30 khan an tla fel.

**Zopa Taitesena Team**


Zopa Khuangchera team te hian Babas team te chu an game hmasaber atan an tum a. 5-0 in hnehna an chang. Hemi game ah hian Leon-an hat-trick siamin, ani hian tournament pumpui Best Player lawmman a dawng nghe nghe. Khelh hnihnaah hian IRDARKIANZ team ho 2-0 in an hneh leh a. Khelh thumnaah hian FC Highlanders te tumin 1-0 in an hneh a. Goal awm chhun hi Anthony-a thun niin, a score zawh hian a chawn tha a ti chat palh hlauh a, mahse khelh chhunzawm theih lohna tham erawh a ni lo. Semi-Final hi ni 1 February tlai hian khelh niin, Zopa team dang te'n an hneh tak loh SNIPERS te hmachhawnin an ni hi 2-0 in an hneh a, champion ni lai Tahchapa team tum turin Final an lut.

**Zonu Team**
Hemi zan hian Zonu te chuan an game hmasaber (Semi-Final) khelin, Asia Pacific te an hneh lova. Asia Pacific te hi tun kum Football Night Cup atan Final-ah MISFITS ho hnehin Womens team Champion an ni.

Final match hi Sunday zan dar 1 vel bawr khan khelh niin, half time hmain Tahchapa hian Lun-a goal hmangin an lead hman a. Second-half minute 10 vel ral hnuah Joseph-an head goal ve lehin 1-1 in an in draw ta a. Hun pangai (25mins per half)-a chak zawk an awm loh tak avangin extra time (5mins per half) an khel leh a ni a. Chumi hnuah pawh goal a lut belh tak loh avangin chak zawk penalty a zawn tura a ngai ta a. Vannei zawka tangin, 3-2 in Zopa hian penalty-ah chakna an hmu ta ani.

[Biaklala'n Champion nana penalty a pet goal lai leh a hnulam clip]

Semi-Final game hnuah a kut a tih nat avangin Zopa Khuangchera team keeper, Solomon-a (Captian) chu a keeper thei ta lova. Chuvangin amah ai J.Lalawmpuia chu Final match atan hian hman a ni a. A ni hian penalty shootout-ah pawh a veng tlang nghal.


**Zopa Khuangchera Team**

Sunday, February 1, 2015

MIZO THEOLOGIAN Rev.Dr. Lalsangkima Pachuau thusawi

Dt.21.1.2015 khan MPGSU ten University of Hyderabad campus ah Mizo theologian te zinga mi ngaihsanawm tak Rev.Dr. Lalsangkima Pachuau, Dean, Advanced Research Programme, Asbury Theological Seminary, US a mi chu thusawi turin kan sawm a, tunlai khawvel hmasawnna in a ken tel academic lama hmasawnna US, Europe leh India ram a research tih dan danglamna te leh post modern debate - Zu, neih in ang inkawp (lesbian, gay, bisexual and transgender ) leh trending topic ngaihnawm tak tak zirlai te zawhna a chhanna te in lo en ve duh chuan a hnuai a youtube link ah hian en theih e. Mizo academic interaction (Q&A) tangkai tak a nih kan beisei e.