Monday, April 1, 2019

UNIVERSITY OF HYDERABAD ENTRANCE EXAMINATION 2019-2020 HRIATTIRNA


MIZO POST GRADUATE STUDENTS’ UNION: UNIVERSITY OF HYDERABAD
   P.O. Central University, Prof. C.R Rao Road, Gachibowli, Hyderabad – 500046

                                                              Dt. 01.04.2019
                                                          PRESS RELEASE


University of Hyderabad chuan kum 2019-2020 chhung atan Integrated M.A/M.Sc, MA, M.Sc, MCA, MFA, M.Phil, M.Tech, Ph.D, etc. zir tum te tan 1st April, 2019 – 5th May, 2019 chhungin entrance exam online a dil theihna hun a hawng leh ta.

Application hi online in Admissions-2019-20 ah tih theih a ni. Scheduled Tribe (ST) students tan chuan Post-Graduate course leh 5 year Integrated course luh nan hian Qualification ah "Pass" a tawk a. Scheduled Tribe (ST) candidate tan entrance exam application fee hi Rs.250 a ni a, online banking (debit card, credit card leh internet banking) hmangin fee hi a pek theih a ni a. Apply tur te tan passport size photo digital (scanned) copy 25kb (.jpg) leh scanned signature 10kb (.jpg) leh a remchan chuan, tribal certificate scanned copy 200kb (.jpg) neih tel tur a ni bawk.
Exam hun leh hriattur dang pawimawhte chu university academic website  http://acad.uohyd.ac.in/EE19.html atang a en theih ang. Tin, Prospectus 2019-20 pawh hemi link ah hian download theih ngal a ni e.

HALL TICKET hi 20th May 2019 atrang hemi link ah hian download theih a ni ang. Exam hun/date & time leh rules and regulations kimchang taka tarlan bawk a ni ang.

Entrance exam centre hi India ramah 38 awmin Mizoram leh hmarchhak state zirlai te tan exam centre remchang te chu: Pachhunga University College, College Veng, Aizawl, Mizoram – 796001, bakah Shillong, Guwahati, Imphal leh Dimapur te an ni.


COURSE ZIR THEIH TE:

1. MA Integrated in Social Sciences (Economics, History, Political Science, Sociology & Anthropology); MA Integrated in Humanities (Hindi, Telugu & Language Sciences), M.Sc Integrated in Sciences (Chemistry, Physics, Mathematics, Systems Biology, Applied Geology & Health Psychology); Integrated Master of Optometry (Optometry). Integrated M.A/M.Sc/M.OPT hi Mizo te’n kan la hmelhriat vak lo maithei a, hei hi class-12 zirzo tawh te’n Master degree course kum 5 chhung (10 semester) a an zir theihna tur a ruahman a ni a, Bachelor degree a keng tel nghal bawk a ni. Kum 3 hnuah duh chuan Bachelor degree nen a chhuah (exit) theih a ni.

2. Post Graduate courses (4/6 semesters) in Sciences, Humanities, Social Sciences, Performing  Arts, Fine Arts, Art History, Communication, Master of Business Administration in Health Care and Hospital Management, M.B.A (Business Analytics), Health Psychology, Master of Computer Application and Master of Public Health.

3. M.Tech programs (4 semesters) in Computer Science, Artificial Intelligence, Information Technology (CA/IA/IT), Computational Techniques, Integrated Circuit Technology, Bioinformatics, Microelectronics & VLSI Design, Materials Engineering and Nanoscience and Technology.

4. M.Phil programs (3 semesters) in Humanities and Social Sciences.

6. Ph.D programs (3-5 years) in Sciences, Humanities, Social Sciences, Dance, Communications, Theatre Arts and Management Studies.

7. Integrated M.Sc/PhD in Biochemistry & Molecular Biology.

8. Integrated M.Sc/PhD in Biotechnology, Animal Biology & Biotechnology. 

9. Integrated M.Tech in Computer Science

**Scheduled Tribe (ST) tan hian course tinah seat awm sa atangin 7.5%  hauhsak kan ni**
** Apply tur te tan course pakhat ai a tam ah a apply theih a; hemi hisap hian entrance exam ni tur  poh duan fel  thlap a ni**
**Apply tur te final result la chhuak lo te tan, 'Result Awaited' drop down menu bar ah khan click mai tur a ni e; Bachelor chunglam final result la chhuak lo te chuan semester exam result chhuak toh te marks enter a ngaih pon, result chhuak toh chin 'Maximum Marks', 'Marks Obtained' leh 'Percentage' (Result chhuak tawh chin) fill-up mai tur a ni e. Marks hmuh te SGPA/CGPA a pek anih pon mahni University Board teuh in Equivalent percentage Formula a hmang ang zel a convert tur a ni e. Hemi chungchang ah hian hriatthiam loh a awm chuan engtik lai pawn kan in hawng reng e**
  
UNIVERSITY OF HYDERABAD DINHMUN

 (a) RANKING: Ministry of Human Resource Development (MHRD), Government of India hnuaia National Institutional Ranking Framework in tehna fung hrang hrang - Teaching, Learning ; Resources (TLR), Research, Professional Practice & Collaborative Performance (RPC), Graduation Outcomes (GO), Outreach (OI) leh Perception - hmanga endik hnua India rama University tha a thlan chhuah zingah University of Hyderabad chuan 7th position 2017 ah  a chelh a; 2018 ah 5th position a chelh leh a; 2019 ah 4th position a chelh mek a ni.
   University Grants Commission (UGC) hnuaia Apex Council of NAAC (National Assessment & Accreditation Council) chuan 4.0 CGPA (Cumulative Grade Point Average) scale ah 3.72 (grade ‘A’) kum 5 chhung atan a pe bawk a ni.
    British company Quacquarelli Symonds (QS) chuan ‘QS World University Ranking’ publication lama University kum tinin ranking a pe thin a. University of Hyderabad hi 2017 hma lam kha chuan subject pathum English, Chemistry leh Physics ah pek a ni thin a.  A vawikhatna atan University of Hyderabad chu QS World University Ranking 2018 ah range 601-605 overall ranking a pe a ni. QS World University Ranking 2018 ah hian Indian institutions leh Universities 12 chu ranking pek an ni a, universities pali zingah University of Hyderabad chu a tel ve ani . Hmasawn zelin QS World University Ranking 2019 ah University of Hyderabad chu range 591-600 overall ranking pek a ni.
   Asia ah 106-na  ranked in; BRICS Nations zingah 36-na ah a lang bawk a ni. NISSAT (National Information System for Science and Technology) Department of Scientific and Industrial Research (DSIR), Government of India, chuan Institution tha 50 zing ah publication a citation index journal ah 'High Output High Impact' category nei awmchhun ah a puang a ni.
 

(b) ACADEMIC: UoH ah hian subject leh course hrang hrang zirna school 12 awmin heng school hnuaiah hian department leh centre a belhkhawmin 40 a awm a, zirtirtu (faculty) 413 dawn leh zirlai 5000 chuang an awm mek a ni. University hian Library tha tak, Indira Gandhi Memorial Library neiin lekhabu leh reference materials 350,000 awmin 600 foreign journals leh 18,000 online journals leh  10 online databases zirlaite tan a subscribe mek bawk a ni. Zirna/chhiarna room bik AC hnuaiah 24x7 in lehkha a zir theih a ni.

 (c) HOSTEL: UoH hi residential campus hrang a awm a nih avang in zirlai zawng zawng tan mipa leh hmeichhe tan Hostel tha tak a awm a, hostel zawng zawng ah hian a thlawn in internet pek vek a ni bawk. Hostel admission fee ST tan course khat zel-ah hian Rs.2500-3000 inkar vel a ni tlangpui a, tin thlatin mess fee hi Rs.1500-Rs.3000 inkar a ni thin bawk.
           
 (d) SPORTS FACILITIES: UoH hian zirlai te taksa leh rilru lama an lo hriselna atan sports facilities changtlung tak a nei a, football field-2, basketball court-3, volleyball court-3, cricket ground-1, tennis court-2, race track bakah Indoor stadium chhungah Badminton court-4, gymnasium changtlung tak a nei bawk.

 (e) ADMISSION FEE: UoH-ah hian course zir tur azirin admission hi fee hi a inang lo a, admission fees tlangpui chu Prospectus 2019-20 ah tarlan rih anih loh avangin Prospectus 2018-19 page 22-24 ah en theih a ni.

 (f) SUM SENSO NGAI ZAT: Master degree (P.G course) zirlai te tan hian a tlangpui thu in sum senso hi a hautak em em lo a, semester 1 (thla 6) chhung hian admission fee leh hostel mess fee zawng zawng leh khawchhung a veivahna nen a chhut in Rs.30,000 vel seng in lehkha a zir theih a ni.

Admission chungchang a thu zawhfiah duh neite tan Telephone no: 040-2313 2444 / 040-2313 2102-ah te University of Hyderabad thuneitu te a biakpawh theih a ni. Email pon hemi address: entrance@uohyd.ernet.in emaw acadinfo@uohyd.ernet.in emaw drae@uohyd.ac.in ah a biakpawh theih bawk e.

Mizo Post Graduate Students’ Union: University of Hyderabad te chuan kan Mizo zirlaipui ten University of Hyderabad-ah entrance exam hlawhtling taka an inziah tlin ngei kan duhsakin academic session tharah inlungrual taka lehkha kan zirho theih ngei nan admission chungchang a intanpui a ngai a nih pawn theihtawp chhuah kan inhuam reng e. Admission chungchangah hian heng Phone number-ah te hian Mizo zirlaite an biakpawh theih reng e:

Juliet F. Lalzarzoliani (Chairman):  +919704672723
Samuel Vanlalruata (General Secretary): +917085932115
R Lalnuntluanga (Treasurer): +919160526517
Dr. C.Vanlalhruaii (Asst. Prof, Health Psychology): +917799327569
LINK PAWIMAWH TE
Prospectus 2019-20




                    sd/-                                                                                                   sd/-
JULIET F LALZARZOLIANI                                                         SAMUEL VANLALRUATA
            (Chairman)                                                                                         (Secretary)
 

Tuesday, March 12, 2019

Nl. C VANLALHRUAII'N PH.D DEGREE HMU


 Nl. C VANLALHRUAII'N PH.D DEGREE HMU




       Nl. C Vanlalhruaii (Boboihi) d/o Ngurmawii, Ramhlun North, Aizawl chuan ni 12, March 2019 chawhma dar 11 khan Centre for Health Psychology, University of Hyderabad atangin tha taka Viva Voice a neih zawh hnu ah, Doctor of Philosophy (PhD) degree a dawng a ni. Dr. C Vanlalhruaii thesis title hi "Effect of Cancer Patients' Activity Level and Psychosocial Factors on Caregivers' Quality of Life" tih a ni 

        Dr. C Vanlalhruaii hi University of Hyderabad a Mizo zirlaite zinga Ph.D degree dawng thei sawmpathumna (13-na) a ni. Amah hi University of Hyderabad, Centre for Health Psychology a Assistant Professor hna thawk lai mek a ni. Mizo Post Graduate Students' Union, University of Hyderabad chuan Dr. C Vanlalhruaii hlawhtlinna hi kan chhuangin kan lawmpui em em a; a kal leh zelna turah duhsakna sang ber kan hlan a ni.














Monday, February 4, 2019

Tv. Vanlalvenpuia'n Ph.D degree hmu

Tv. Vanlalvenpuia S/o. H.S Lalnghakliana, Mission Vengthlang, Aizawl chuan ni 4, February 2019 chawhma dar 11 khan Department of Philosophy, School of Humanities atangin tha taka Viva Voice a neih zawh hnu ah, Doctor of Philosophy (PhD) degree a dawng a ni. Dr. Vanlalvenpuia thesis title chu "A Critical Study of John Lockes Political Theory in Relation to Robert Filmer " tih a ni.


Dr. Vanlalvenpuia hi University of Hyderabad a Mizo zirlaite zinga Ph.D degree dawng thei sawmpahnihna (12-na) a ni. Dr. Vanlalvenpuia hi tunah hian Pachhunga University College, Philosophy Department-ah Guest lecturer in a thawk mek a ni. Mizo Post Graduate Students' Union, University of Hyderabad chuan  Dr. Vanlalvenpuia hlawhtlinna hi kan chhuangin kan lawmpui em em a. A kal leh zelna turah duhsakna sang ber kan hlan  a ni.

Thursday, January 10, 2019

M.Phil submission nei

MPGSU member pahnih, Tv.Anthony Lalchhuanmawia leh Tv. Khamliansang Naulak ten January ni 5 leh July ni 13, 2018 ah khan M.Phil submission an nei.
Tv.Anthony Lalchhuanmawia, Armed Veng South, Aizawl chuan Department of Philosophy, School of Humanities, University of Hyderabad ah tha takin submission seminar a nei a. A thesis title hi "Marx on Human nature" tih a ni.
Tin, Tv. Khamliansang Naulak, Churachandpur chuan Department of Political Science, School of Social Science, University of Hyderabad ah tha takin submission seminar a nei a . A thesis title hi "Territorial Self-Governance in Northeast India" tih a ni. 
MPGSU chuan kan member pahnihte hlawhtlinna hi kan lawmpui em em a. An kal leh zelna turah duhsakna sang ber kan hlan a ni.

Tv.Anthony Lalchhuanmawia

Tv. Khamliansang Naulak

Nl. N.Malsawmtluangi'n PH.D DEGREE HMU

Nl. N.Malsawmtluangi D/o N.Rothanga, Sihphir Venghlun chuan ni 19, July 2018 chawhma dar 11 khan School of Physics, University of Hyderabad atangin tha takin Viva Voce neiin, Doctor of Philosophy (PhD) degree a dawng a ni. Nl. N.Malsawmtluangi thesis title hi "Inflation and bb-mode angular spectrum of cmb" tih  ani a, Cosmic inflation models leh gravitational waves chungchang a ni.
Dr. N.Malsawmtluangi hi University of Hyderabad a Mizo zirlaite zinga Ph.D degree dawng thei sawmpakhatna a ni. Mizo Post Graduate Students' Union, University of Hyderabad chuan  Dr. N.Malsawmtluangi hlawhtlinna hi kan chhuangin kan lawmpui em em a. A kal leh zelna turah duhsakna sang ber kan hlan  a ni.


MPGSU Advent Christmas 2018

MPGSU Advent Christmas 2018 chu November ni 7, 2018 khan Students’s Centre-ah tlai dar 3:30pm ah khan hman ani a. A hnuaia program ang hian 1st session leh 2nd session hun hman ani.


1st   Session 
Hruaitu: Teresi  Lalmuanawmi
Tantu : Reuben Lalchhandama
Thwhlawm  khawntu : H. Vanlalhmangaiha
Bible  chhiartu : Lalduhthlana
Special  item: Group zai 
Thuchah: Zothanzaua & Juliet F Lalzarzoliani
Tawngtaina: Lalhmangaihi Chhakchhuak
Sikni Eng Bulletin Release: CU Titi Editorial Board & H.Lalmuanzuala






2nd  Session:   
Host: Laldintluangi (IMSc Health Psychology)
Special items: 2018 Batch.
Vote of thanks: V. L. Nunpuia Kawlni 
Gift  exchange: Malsawmhriatizuali & H Vanlalhmangaiha







Wednesday, January 9, 2019

KZV 2018 hman ani.

MPGSU KZV SPORTS 2018 chu August ni 31 zan leh September ni 1, inrinni nilenga hman ani a, a hnuai ami ang hian MPGSU member-te team li a then ani.

MPGSU KZV SPORTS 2018 TEAM INTHEN DAN:-

TEAM  (ZAWNGTAH)   
MEMBER TE ( LEADER = LALFAKAWMI,ZONUNTHARA)
                                             1.JULIET F LALZARZOLIANI
                                             2.R.LALNUNTLUANGA
                                             3.NELSON HLYCHHO
                                             4.H.VANLALHMANGIAHA
                                             5.RUTHI LALRINAWMI
                                             6.JOANNE RMNUNENGI RALTE
                                             7.LALRAMENGMAWIA KHENGLAWT 
                                             8.GRACE  ZONTHANSANGI
                                             9.REMSES  HUALHLUNCHHUNGA
                                             10.LALRINZUALI NGENTE
                                             11. NGAITHIANHOIH



TEAM ( BEKANG)
  MEMBER TE (LEADER = K.LALNUNZIRI, VANLALPEKA) 
                                            1.LALHMANGAIHI CHHAKCHHUAK
                                            2.MALSAMWTLUANGI NAULAK
                                            3.C VANLALHRUAII
                                            4.REUBEN LALCHHANDAMA SAILO
                                            5.LALDUHSAKI
                                            6.LALMUANPUII
                                            7.ERIC RAMTHARNGHAKA
                                            8.C LALHRIATCHHUNGI
                                            9.VL NUNPUIA COLNEY
                                           10. H VANLALLAWTA




TEAM (KHANGHU)
MEMBER TE (LEADER=  LALLIANDINGPUII,SAMUEL VANLALPEKA)
                                            1.TERESI  LALMUANAWMI
                                            2.LALRUATFELA  CHAWNGTHU
                                            3.DENNIS  LALHLIMPUIA
                                            4.LALBIAKLIANA
                                            5.LALRAMHLUNI
                                            6.MALSAWMHRIATZUALI
                                            7.SHIRLEY LALRINFELI
                                            8.SAMUEL VANLALRUATA
                                            9.MARY VUNGSEN
                                           10.H.  LALROMAWIA
                                           11.ELIZABETH RALTE
                                           12.LALRAMDINPUII



TEAM (SAUM)
MEMBER TE(LEADER= LALDINTLUANGI, LALRAMMUANA SAILO)
                                            1.R.LALNUNTLUANGI
                                            2.JOSHUA KHAUTE
                                            3.ROBERT SAILO
                                            4.GEORGE ELAREF
                                            5.ZOTHANZAUVA
                                            6.JENNY THANHLUPUII
                                            7.LALDUHTHLANA
                                            8.JENNIFER SINGSON
                                            9.H.LALMUANZUALA
                                            10.MELODY HMANGAIHMAWI
                                            11.V HRUAITLUANGI
                                            12. LUDI LALNEIHPUII


Item hrang hrang ah intihhlimna leh team intihsiakna neih ani .







A hnuaia mi hi team hrang hrang te point hmuh dan ani.



Khanghu - Fourth Position

Zawngtah- Third Position

Bekang - 2nd Position

Saum - First Position



Note: KZV 2018 Video YouTube lama en duh tan a hnuaia link ah hian en theih ani e.
https://www.youtube.com/watch?v=C3qMS1uYdf4&t=1116s