Saturday, September 18, 2010

SCHOLAR CHHUANAWM

Tv. H. Lalhruaitluanga s/o Lalrithanga, Ph.D (Plant Science) zirlai chu a Research Paper ziah "Lead(II) adsorption from aqueous solutions by raw and activated charcoals of Melocanna baccifera Roxburgh(bamboo) a comparative study" tih chu School of Life Sciences, University of Hyderabad hnuaia paper publish tha ber a thlan a ni. Tv Mahruaia hi vawiin Dt.18.09.2010 hian Pro-Vice Chancellor, University of Hyderabad in Best Research Paper Award in School of Life Sciences a hlan a ni. He award hian chawimawina Certificate leh pawisa fai akengtel a ni. A paper ziah hian khawvel paper publish neitha tehna impact factor 4.145 point above a hmu pha ani. Impact factor hi kan hriatthiam dan tur chuan khawvel research paper tha ber ber tehfung atan a siam ani a, India rama kan Journal neih that ber berte ah te hian impact factor 1 point hmupha pawh tlem te an awm a ni. Hetianga Mizo zirlai in University of Hyderabad chawimawina a dawng hi kan lawmpuiin impact factor sang tak hmu a research paper publish thei hi Mizo zirlai University dang a mite ngaihtuah pawh in kan tam awm love. Tv. Mahruaia hi kan chhuangin kan lawmpui em em a ni.

Tv. Mahruaia hi vawiin vek khan Central European Congress of Life Sciences Eurobiotech 2010, Krakow, Poland a Dt.20-22 September 2010 a neih tur ah paper present turin Hyderabad a chhuahsan a ni. A paper present tur hi "Potential use of Melocanna baccifera (Bamboo) raw and activated charcoals for removal of Cd(II) from aqueous solutions" tih a ni. Seminar paper present tura a kal mai bakah hian, a research project atan Germany, France leh Belgium ah te a kal kual nghal bawk dawn a ni.

Kan University Mizo Scholar chhuanvawr Tv. Mahruaia hi tluangtaka a tihturte a tih theih nan leh dam taka alo haw leh theih nan duhsakna kan hlan e.

3 comments:

Maisek said...

Kei pawhin duhsakna sang ber ka hlan e!

maliana said...

A va chhuanawm ve aw; ka duhsakna sang ber ka hlan e.

duhawma said...

Ka thianpa hi ka chhuang a nia....