Thursday, November 10, 2011

Tv.K.Lalromawia'n international conference pahnih a paper present

K.Lalromawia Ph.D (Mangement Studies) UoH
Tv.K.Lalromawia (Mama) S/o.K.Zairema, Bawngkawn, Aizawl tuna Ph.D (Management Studies)  University of Hyderabad a zirlai chuan Dt.4-5 November 2011 khan International Association of Management Scholar leh Forest Research Institute University, Dehradun  te buatsaih 'International Conference on Business and Technology" ah research paper tha tak "Marketing of tourism towards sustainability" tih a present a ni. Tv.Mama research paper hi he international conference a paper 150 lut zinga a paper tha 20 an thlanchhuah zing ah a tel pha a ni. Paper tha tlan chhuah 20 zing a a tel ve avang hian conference ni hnihna a Session vawi khat ah chairperson a ni nghal bawk a ni.

Hemi bak ah hian Tv.K.Lalromawia hian Dt.9-11 November 2011 chhung a Indian Institute of Management (IIM) Shillong ten '2nd international conference on sustainability : people, planet and prosperity'  an buatsaih ah tel leh in 11 November 2011 khian research paper "A study of new land used policy in Mizoram : sustainability perspectives" tih a present leh dawn a ni.

Keini Mizo Post Graduate Students Union, University of Hyderabad te chuan kan Chairman ni lai Mizo tlangval Tv.K.Lalromawia'n khawvel leh India ram chhung a management zirna lama mi thiam chhuanawm tak tak te telna International Conference pahnih lai a a research paper a present thei hi chhuanawm kan tiin Mizo zirlai te tan mi entawntlak niin kan hria a, kan lawmpui em em a ni. Tv.Mama hian International leh National huap pawh in research paper tha tak tak a lo published nual tawh bawk a ni. Mama Congratulation! 

5 comments:

Hlakungpui Mual said...

Global issues -ahte hian kan Mizo Thalaite hian hem han thlak tak tak teh u. Inchhuanawm tak zet a ni.

Robert said...

Tv Mama Paper present chu chhiar a va chak om ve.

Lawma said...

A va ropui ve, a paper present cu chiar theih dan min kawhhmu thei ula ka va duh em? Management zirlaiten kan tangkaipui ngei dawn si a.

funny™ said...

Eu eu thianpa chu va bawn bik ve. :)

Anonymous said...

Ropui hle mai. Sustainability studies lam hi kan mamawh bawk a ni. Kudos!